Zona euro, Juncker: Jo ndryshime të shpejta për zgjerimin

BRUKSEL- Kryeministri i Luksemburgut, Jean-Claude Juncker, president i grupit të vendeve të 'zonës euro' ka deklaruar sot se nuk pret ndryshime të shpejta në mundësinë e procesit të zgjerimit të zonës me valutë të njëjtë.

"Nuk besoj se kriteret e pranimit mund të ndryshojnë brenda një nate. Nuk është e thjeshtë"- ka thënë Juncker për gazetarët në prag të samitit evropian të krerëve të shteteve.

Vendet lindore ende nuk janë pjesë e zonës euro dhe kërkojnë ndryshim procedurash pasi valuat e tyre kombëtare kanë pësuar kolpo në treg.

Vendet pretendente për të hyrë në zonën euro janë Polonia dhe Hungaria, që aktualisht po kërkojnë më shumë mbrojtje nga kriza ekonomike.