Çelet panairi profesional i kulinarisë, nga “Neranxi”

Hapet panairi profesional i kulinarisë i organizuar prej kompanisë “Neranxi”. Hapja e këtij panairi i cili përkon edhe me 20 vjetorin e krijimit të kompanisë, do të përcjellë tek të gjithë vizitorët, të gjitha risitë përsa i përket botës së ushqimeve.

Gjatë fjalës së mbajtur, presidenti i kësaj kompanie Nikollaq Neranxi deklaroi se cilësia është thelbi i kësaj pune, pasi ka të bëjë me jetë njerëzish.
 

Panairi do të jetë i hapur deri në datën 17 prill, i cili do të ofrojë për të gjithë të interesuarit shumë lëndë të para që përdoren për pastiçeri, gelateri, produkte për bare dhe kokteile, erëza dhe fruta të thata.