Çmimet vjetore per letersine

Çmimi i Madh i Letërsisë

I jepet shkrimtarit Ismail Kadare për romanin “Darka e gabuar”, vepër me vlera universale, që shënon një ngjarje të rëndësishme në letërsinë shqipe.

Çmimi “Petro Marko”

I jepet shkrimtarit Mehmet Kraja për romanin “Selvitë e Tivarit”, ku jehonat e historisë dhe të fateve njerëzore ndërthuren në një rrëfim mjeshtëror.

Çmimi “Lasgush Poradeci”

I jepet vëllimit “Gjallë unë pashë”, të poetit Preç Zogaj, për energjinë lirike dhe forma shprehëse origjinale.

Çmimi “Migjeni”

I jepet vëllimit “Papa dixhital”, të autores së re Albana Shala, si një hyrje befasuese në poezinë shqipe.

Çmimi “Gjergj Fishta”

I jepet librit “Brirët e dhisë”, të autorit Artan Fuga, për thellësinë e mendimit dhe risinë në trajtimin e dukurive shoqërore e kulturore shqiptare.

Çmimi “Faik Konica”

I jepet zotit Jorgo Bulo për botimin kritik të veprës së plotë të Çajupit, autor i rëndësishëm i traditës sonë letrare.

Çmimi “Fan Noli”

I jepet zotit Pashk Gjeçi për përkthimin mjeshtëror të “Faustit” të Gëtes.
I jepet zotit Shpëtim Çuçka për përkthimin e plotë të “Faustit” të Gëtes.

Çmimi “Isuf Vrioni”

I jepet zotit John Hodgson për punën e bërë në përhapjen dhe njohjen e autorëve të rëndësishëm shqiptarë në gjuhën angleze.

1 Shkurt 2009