BB, 65 mln USD për rrugët rurale

Rreth 65 milion dollarë do t`i jepen qeverisë shqiptare për të përballuar katastrofat natyrore, dhe përmirësuar rrjetin e rrugëve rurale e digat e ndryshme. Ministri i Financave, Ridvan Bode së bashku me ministrin e Brendshëm kanë nënshkruar marrëveshjen me përfaqësues të Bankës Botërore për disbursimin e kredive. Gjatë nënshkrimit të marrëveshjes, përfaqësues të Bankës Botërore u shprehën se këto projekte duhet të bëhen pjesë e zhvillimit të Shqipërisë. Për financimin e pjesshëm në projektin e rrugëve rurale, Shoqata Ndërkombëtare për Zhvillim jep një hua prej 20 milion dollarë me kushte koncensionale. Financimi i IDA-s synon të përmirësojë aksesin në shërbimet kryesore dhe tregje, veçanërisht në zonat malore. Projekti synon të ndërtojë dhe përmirësojë rreth 1500 km rrugë dytësore dhe lokale.