Baric ben prapakthehu: S’kam folur

Jeton Selimi
Pa kaluar as 24 ore nga deklarata e bujshme e Oto Baric, ish-trajnerit te Kombetares kuqezi ne faqet e “Jutarni List”, ka ardhur pergenjeshtrimi nga vete kroati. Kesaj here eshte faqja zyrtare e FSHF-se, qe ka bere nje mini-interviste me dy pyetje per ish-trajnerin, qe distancohet menjehere nga gjithcka eshte folur dy ditet e fundit: “Jo, une nuk jam shprehur se ne Kombetaren shqiptare ka lojtare qe shesin ndeshje. Prandaj, ju lutem thoni te verteten, sepse keto ditet e fundit disa gazetare flasin dhe shkruajne ne emrin tim - thote Baric, qe me pas kercenon. Nese nje gje e tille vazhdon, une nuk do flas me me gazetare shqiptare. Kam thene dhe e perseris, qe dy ndeshjet e fundit nuk ishin te shitura. Gjate kohes qe isha trajner i Kombetares se Shqiperise, nuk ka pasur asnje ndeshje te shitur”. Natyrisht pika me e nxehte e deklarates ishte momenti kur kroati pohonte se kuqezinjte manipulonin ndeshjet e Kombetares, por Oto kerkon t’i vere pikat mbi “i”. “Nuk ka lojtare qe kane shitur ndeshje, por kam degjuar se 2-3 futbolliste shesin ndeshje. Jo ndeshjet e Kombetares, por ato te klubeve qe luanin dhe per kete arsye jane denuar nga federata. Ndersa, per sa i perket kohes sime, si trajner i Shqiperise, nje gje e tille nuk ka ndodhur”.
Ne fund vjen edhe “bomba” e fundit e kroatit, qe i pyetur per marredheniet e tij me presidentin e FSHF-se, Armando Duka, thote se e vlereson shume figuren e presidentit, sepse ai ka bere maksimumin per Kombetaren. “Marredheniet me zotin Duka jane te shkelqyera. Ai eshte munduar qe te me krijoje kushte te mira per te punuar pa veshtiresi, megjithese ai kishte vete veshtiresi per te m’i plotesuar mua keto. Kjo per vete faktin se situata financiare ne federate nuk ishte ideale. Ne jemi kuptuar mire me njeri-tjetrin ne cdo aspekt te punes time si trajner .Une besoj se kam pasur nje vit shume te mire pervec kohes se 2 ndeshjeve te fundit. Nuk kam asnje fjale te keqe per ate, por kjo eshte e vlefshme dhe per punonjesit e tjere te federates qe kam punuar me ta dhe qe kam njohur”, ka perfunduar fjalen e tij tekniku 75-vjecar.
UEFA do te nise hetimet me “bisturi”
Ka per te qene nje operacion i vertete, ai qe ka ndermend te beje qeveria e futbollit evropian, pas kerkeses se bere nga shteti shqiptar. Kete e tregon Agjencia e Lajmeve Franceze, AFP, e cila thekson se UEFA eshte e mirinformuar rreth konfliktit qe ka shteti shqiptar me Federaten Shqiptare te Futbollit dhe ka ndermend te kryeje nje operacion vertet delikat, per te mos u bere, qofte edhe pa dashje, aleate me asnje nga palet ne konflikt.