Denis, lamtumira para Australisë

Nuk mbarojnë telashet për shefin e skuadrës MekLaren, Ron Denis. Të mërkurën në mëngjes, policia italiane dhe ajo angleze ka bastisur shtëpinë e tij, së bashku me disa shtëpi të drejtuesve të tjerë të skuadrës, duke kërkuar prova të reja rreth skandalit të "spy story" që mbërtheu Formula 1 gjatë edicionit të kaluar. Por këto bastisje të vazhdueshme kanë shqetësuar investitorët e skuadrës, të cilët kanë kërkuar largimin e Ron Denis, duke e cilësuar tashmë një figurë të njollosur. Sipas gazetave britanike, kjo mund ta shtyjë Ron Denis t‘i japë lamtumirën skuadrës para garës së parë të sezonit të ri në Australi.