Hemilton: Tani jam unë numri 1

Britaniku Luis Hemilton është i bindur se këtë vit mund të fitojë titullin kampion në Formula 1, pasi është ai lideri i skuadrës MekLaren. "Shpresoj që sezoni i ardhshëm të jetë po aq entuziazmues sa ky që u mbyll, duke përjashtuar të gjitha çështjet "politike". Për mua do të jetë diçka e veçantë, pasi tani shihem si lideri i skuadrës, ndaj shpresoj të bëj detyrën që më është ngarkuar", u shpreh britaniku, i cili këtë sezon do të ketë përkrah finlandezin Haiki Kovalainen.