Komisioni Evropian miraton blerjen e Versace-s nga Prada

BRUKSEL, 30 shtator /ATSH-DPA/- Komisioni Evropian ka miratuar blerjen e shtëpisë italiane të modës Versace nga Prada.

“Transaksioni i regjistruar nuk ngre shqetësime për konkurrencën”, njoftoi sot autoriteti i Brukselit.

Marrëveshja kryesisht ka të bëjë me projektimin, prodhimin dhe shpërndarjen e produkte luksoze.

Në prill, u konfirmua se dy markat kryesore në botën italiane dhe ndërkombëtare të modës do të bashkojnë forcat.

Çmimi i blerjes u deklarua të ishte 1,25 miliardë euro (1,47 miliardë dollarë).

Emri Versace, i cili i ka rrënjët te themeluesi i kompanisë Gianni Versace, i cili u vra në vitin 1997, do të vazhdojë të mbahet. Marka Prada, e themeluar nga dy vëllezër, ekziston që nga viti 1913.

Miratimi nga Komisioni Evropian u konsiderua i mundshëm. Autoriteti siguron që ligji i konkurrencës i BE-së të respektohet. //a.i/