Presidenti Topi priti Kryeministrin e Kuvajtit, Sheikun Naser Mohamed Al Ahmad Al Sabah.
13 dhjetor 2007
Presidenti i Republikës, Bamir Topi zhvilloi sot një takim me Kryeministrin e Kuvajtit, Sheikun Naser Mohamed Al Ahmad Al Sabah dhe delegacionin që e shoqëronte gjatë vizitës zyrtare në vendin tonë.
Kreu i shtetit shqiptar, pasi çmoi nivelin shumë të mirë të marrëdhënieve të hershme mes dy vendeve tona, vuri në pah se shkëmbime vizitash të niveleve të larta politike jo vetëm i forcojnë ato edhe më tej, por ofrojnë mundësi të reja edhe për rritjen e bashkëpunimit në fusha të ndryshme si në ekonomi, energjitikë, turizëm, etj.
Presidenti Topi përshkroi reformat e ndërmara nga vendi ynë për fuqizimin e shtetit të së drejtës, thellimin e reformës në drejtësi dhe asaj zgjedhore si edhe për përmbushjen e standarteve që do të mundësojnë anëtarësimin e Shqipërisë në NATO dhe Bashkimin Europian.
Kryeministri kuvaitjan, pasi falenderoi Kreun dhe shtetin shqiptar për pritjen e ngrohtë dhe atmosferën vëllazore me të cilën u përcoll vizita e tij zyrtare, theksoi nivelin shumë të mire të marrëdhënieve dypalëshe, vuri në pah gatishmërinë e shtetit të tij për të rritur bashkëpunimin në të gjitha fushat dhe i përcolli përshëndetjet e përzemërta të Madhërisë së Tij, Emirit të Kuvajtit, Sabah Al-Ahmad Al-Xhaber Al-Sabah, së bashku me ftesën për të vizituar Kuvajtin, ftesë që u mirëprit me kënaqësi nga Presidenti Topi.
Duke folur për statusin e ardhshëm të Kosovës si çështja më aktuale e rajonit, Presidenti Topi rikonfirmoi qëndrimin e pandryshuar të Shqipërisë në mbështetje të Planit Ahtisari, por edhe besimin në pavarësimin e shpejtë të Kosovës si zgjidhja më e drejtë që do sigurojë stabilitetin dhe të ardhmen europiane të të gjitha vendeve të Ballkanit.
Kryeministri Naser Mohamed Al Ahmad Al Sabah duke shprehur mbështetjen për pavarësinë e Kosovës është deklaruar optimist për të ardhmen e saj.
Në takim morën pjesë edhe Ministri i Jashtëm, Lulzim Basha dhe ai i Ekonomisë dhe Energjitikës, Genc Ruli.
Presidenti i Republikës, Bamir Topi zhvilloi sot një takim me Kryeministrin e Kuvajtit, Sheikun Naser Mohamed Al Ahmad Al Sabah dhe delegacionin që e shoqëronte gjatë vizitës zyrtare në vendin tonë.
Kreu i shtetit shqiptar, pasi çmoi nivelin shumë të mirë të marrëdhënieve të hershme mes dy vendeve tona, vuri në pah se shkëmbime vizitash të niveleve të larta politike jo vetëm i forcojnë ato edhe më tej, por ofrojnë mundësi të reja edhe për rritjen e bashkëpunimit në fusha të ndryshme si në ekonomi, energjitikë, turizëm, etj.
Presidenti Topi përshkroi reformat e ndërmara nga vendi ynë për fuqizimin e shtetit të së drejtës, thellimin e reformës në drejtësi dhe asaj zgjedhore si edhe për përmbushjen e standarteve që do të mundësojnë anëtarësimin e Shqipërisë në NATO dhe Bashkimin Europian.
Kryeministri kuvaitjan, pasi falenderoi Kreun dhe shtetin shqiptar për pritjen e ngrohtë dhe atmosferën vëllazore me të cilën u përcoll vizita e tij zyrtare, theksoi nivelin shumë të mire të marrëdhënieve dypalëshe, vuri në pah gatishmërinë e shtetit të tij për të rritur bashkëpunimin në të gjitha fushat dhe i përcolli përshëndetjet e përzemërta të Madhërisë së Tij, Emirit të Kuvajtit, Sabah Al-Ahmad Al-Xhaber Al-Sabah, së bashku me ftesën për të vizituar Kuvajtin, ftesë që u mirëprit me kënaqësi nga Presidenti Topi.
Duke folur për statusin e ardhshëm të Kosovës si çështja më aktuale e rajonit, Presidenti Topi rikonfirmoi qëndrimin e pandryshuar të Shqipërisë në mbështetje të Planit Ahtisari, por edhe besimin në pavarësimin e shpejtë të Kosovës si zgjidhja më e drejtë që do sigurojë stabilitetin dhe të ardhmen europiane të të gjitha vendeve të Ballkanit.
Kryeministri Naser Mohamed Al Ahmad Al Sabah duke shprehur mbështetjen për pavarësinë e Kosovës është deklaruar optimist për të ardhmen e saj.
Në takim morën pjesë edhe Ministri i Jashtëm, Lulzim Basha dhe ai i Ekonomisë dhe Energjitikës, Genc Ruli.