Shqipëria përmbys Jordaninë me “poker” golash
Shqipëria ka arritur të mundë Jordaninë me rezultatin 4-2 në miqësoren e luajtur në “Air Albania”. Një fitore me përmbysje për kuqezinjtë e drejtuar nga Silvinjo, të cilë u paraqitën në këtë sfidë me shumë ndryshime në formacion.
Në pjesën e parë, pas minutave të para të kujdesshme, Jordania arriti të zhbllokojë sfidën me anë të Al-Rashdan 27′, ndërsa u vendos barazpesha në fundin e pjesës së parë nga autogoli i Abualnadi 40′.
Pjesa e dytë nisi ndryshe, me Brojën 65’ që solli avantazhin kuqezi , ndërsa Hoxha 75′ e Bajrami 79′ kompletuan “pokerin”. Në fund të ndeshjes Jordania shënoi dhe golin e dytë me anë të Olwan 90′, por që nuk zbehu aspak suksesin e kuqezinjve në këtë miqësore.
Shqipëri-Jordani 4-2
Shënues: Abualnadi 40′ (og)m Broja 65′, Hoxha 75′, Bajrami 79’/Al-Rashdan 27′, Olwan 90′
Mbyllet sfida në “Air Albania”, Shqipëria ka mundur Jordaninë me rezultain 4-2.
90’ – Jordania ngushton diferencën me Olwan, i cili ka përfituar nga një hezitim i mbrojtjes kuqezi për të goditur saktësisht në portën e mbrojtur nga Dajsinani.
79’ – Gooooool! Broja bën gjithçka në krahun e djathtë të sulmit për të shërbyer për Bajramin, i cili nuk fal para portës, 4-1.
77’ – Në fushën e lojës zbret Elseid Hysaj, në vend të Balliut, i cili thyen rekordin, bëhet lojtari me më shumë ndeshje me kuqezinjtë, 94.
75’ – Goooooool! Spektakël i Arbër Hoxhës, i cili me një goditje nga distanca ka arritur të shënojë një gol mjaf të bukur.
65’ – Goooooool! Shqipëria kalon ne avantazh. Asllani ka shërbyer në mënyrë perfeke për Armando Brojën, i cili me një qetësi të admirueshme ka arritur të mposhtë portierin Abulaila.
61’ – Ndryshim në sulmin kuqezi, Broja në vend të Dakut.
52’ – Një goditje dënimi e ekzekutuar nga Asllani është ndalur nga muri i Jordanisë.
Pjesa e dytë nis me ndryshime për kuqezinjtë: Cake, Ramadani e Gripshi në vend të Gjimshitit, Shehut e Asanit.
Mbyllet pjesa e parë
45’+2 – Jordania i afrohet golit me anë të Alnaimat , por Dajsinani është treguar i saktë me ndërhyrjen e tij.
43’ – Pas një aksioni të kuqezinjve, Asllani shfaqet rrezikshëm me një gjuajtje në hyrje të zonës, por topi është devijuar në këndore nga një mbrojtës i Jordanisë.
40’ – Goooooool! Shqipëria ka barazuar rezultatin. Një veprim i bukur nga Bajramim me një top të dërguar në zonë, ka sjellë autogolin e Abualnadi.
27’ – Një goditje këndi e Jordanisë i ka dhënë mundësinë Al-Rashdan të godasë me kokë duke mposhtur Dajsinaninm 0-1.
21’ – Daku e më pas Bajrami tentojnë portën e Jordanisë, por pa arritur të finalizojnë si duhet.
18’ – Çfarë mrekullie nga ana e portierit Dajsinani! Një gabim në mbrojtjen kuqezi, nga ana e Balliut, i dha mundësinë Al-Tamari të shfaqet i vetëm përballë portierit kuqezi, i cili arriti ta ndalë.
16’ – Asani tenton me të majtën e zakonshme, por pa arritur të mposhtë portierin e Jordanisë.
10’ – Moment i mirë për kuqezinjtë, por Daku në momentin e fundit nuk ka mundur të bëjë finalizimin e duhur.
6’ – Al-Rashdan tenton portën kuqezi nga distanca, por pa rezultat.
3’ – Një goditje dënimi e Asllanit ka sjellë rrezik në zonën e Jordanisë, por topi ka përfunduar në duart e portierit Abulaila
Në “Air Albania” ka nisur ndeshja miqësore mes Shqipërisë dhe Jordanisë