Spanja konfirmon besimin tek Aragones

Drejtuesit e Federatës Spanjolle kanë bërë të ditur se Luis Aragones do të drejtojë skuadrën gjatë EURO 2008, duke hedhur poshtë spekulimet për një lamtumirë të parakohshme të trajnerit. "Tekniku i kombëtares është i vendosur që të qëndrojë në detyrë deri në përfundim të EURO 2008 dhe ai e di që ka mbështetjen tonë të plotë. Në takimin e zhvilluar me të, ramë dakord në të gjitha objektivat e skuadrës për këtë edicion", shkruhej në deklaratën për shtyp të publikuar dje nga Federata Spanjolle.