10 nga 45 gazetarët në polici, punuan për tabloidin

Shefi i Policisë së Londrës, Pol Stivenson, i cili dha dorëheqje, ka deklaruar se 10 nga 45 gazetarët e sektorit të tij për shtyp, kanë punuar më herët për tabloidin “News of the World”.
Stivenson në dëshminë para komisionit të Parlamentit britanik ka thënë se ka qenë i befasuar, kur ka marrë vesh se ish drejtori i kësaj gazete, Neil Uallis, ka qenë i angazhuar si konsulent për shtyp në polici.

Ndërkaq, shefi i perandorisë mediatike News Corp Rupert Mërdok dhe djali i tij, Xhejmsi janë paraqitur sot para një paneli të Parlamentit britanik në lidhje me skandalin e përgjimit të telefonave.

Rupert Merdok i tha komisionit se sot ishte “dita më e përulur” e jetës së tij, ndërsa djali i tij, Xhejms, i cili është shef ekzekutiv për Evropë dhe Azi i News Corp, kërkoi falje për viktimat e përgjimit.

“News of the World” u mbyll pasi u zbulua se kishte përgjuar mesazhet me zë të familjes mbretërore, të politikanëve, të njerezve te famshmëve, gazetarëve rivalë, familjeve të ushtarëve të vdekur dhe të një adoleshenteje të vrarë.