100 dite nga Londer 2012

Numërimi mbrapsht për Lojërat Olimpike, “Londër 2012” është në kulmin e tij, edhe sepse tashmë kanë mbetur vetëm 100 ditë nga starti I evenimentit të shumëpritur. Pothuajse të gjithë impantet sportivë dhe infrastruktura janë gati, fakt ky që padyshim do të kënaqë organizatorët, të cilët kanë shmangur problemet që kanë hasur më parë gjatë organizimit të olimpiadës. Më shumë se 30 stadiume në territorin e Mbrëtërisë së Bashkuar do të presin eventet sportive, ndërsa përveç impianteve gati për Lojërat Olimpike janë edhe shumë vende që përfaqësojnë traditën britanike.

Mes impianteve që do të përdoren janë edhe “Uimbëlldoni” për tenisin dhe stadiumi “Uembli” për futbollin. Rrethinat e Paradës së Rojeve me Kuaj, që zakonisht përdoret për ceremony ku merr pjesë edhe mbretëresha do të shndërrohet në arenë për volejbollin në rërë, parku “Grinuiç” do të presë garat e kujve, ndërsa lumi “gjarpërues” i Londrës do të përdoret për garat e triathlonit dhe maratonën e notit.

Olimpiada e Londrës do të jetë një aktivitet I jashtëzakonshëm dhe këtë e tregojnë shifrat. Kosto totale e olimpiadës është 14,5 miliardë euro, ndërsa më shumë se gjysma e kësaj shifre, më saktësisht 848,2 milionë euro do të paguhet nga sponsorët për dy javët olimpike. Në total, në “Londër 2012” do të marrin pjesë 10 mijë e 500 atletë nga 204 vende, që do të konkurrojnë në 302 gara për të fituar 549 medalje, ndërsa çmimi mesatar I biletave vetëm për atletikën mendohet të jetë 244 euro. Vetëm sipërfaqja e Fshatit Olimpik është 2.5 kilometër/katrorë. Për të garantuar sigurinë gjatë evenimentit në detyrë do të jenë 12 mijë forca policie dhe 70 mijë vullnetarë, ndërsa “Londër 2012” pritet të ndiqet nga 4 miliardë telespektatorë.