12 rekomandimet, drejtori Stefano Sanino, sot vizitë në Tiranë

Drejtori për Zgjerimin në Komisionin Evropian, Stefano Sanino mbërrin sot në Tiranë, një ditë para zhvillimit të raundit të tretë të zgjedhjes së presidentit.
Në axhendën e vizitës së tij në Shqipëri drejtori për zgjerimin në komisionin Europian pritet të takohet së pari me kryeministrin Sali Berisha, kryetarin socialist Edi Rama, kreun e LSI-së Ilir Meta, ministrin e Jashtëm, Edmond Haxhinasto dhe ministren e Integrimit Evropian, Majlinda Bregu.
Në këtë takime pritet që arritja e konsensusit mes forcave politike për zgjedhjen e kreut të shtetit, të jetë kryefjalë e bisedave ndërsa Komisioni Europian do të inkurajojë edhe më tej politikën shqiptare me qëllim avancimin në kryerjen e reformave në përmbushje të 12 kritereve të vendosura nga BE për vendin tonë me qëllim marrjen e statusit kandidat.