14 mijë grekë i kanë borxh shtetit 36 miliard euro
Virusi grek e ka vendosur Europën në ankth e frikë. Ku është vaksina? Ku është mjeku i urgjencës? Kryeministri grek, George Papandreu duhet të shërojë vendin e tij. Një nga sëmundjet më të rënda: evazioni fiskal!
Në Greqi ka 14 mijë njerëz, që i kanë borxh shtetit rreth 36 miliard euro, tha kryeministri grek për gazetën Financial Times Deutschland. Kurse ministri i Financave thotë se janë në total 900 mijë qytetarë që i kanë diçka borxh shtetit.
Por çfarë po bën Papandreu?
Ai ka nisur gjuetinë pas tyre. Por rruga është e gjatë. Ndoshta do na duhen 30 vjet, thotë Papandreu.