3 muaj per t'u sjelle mire
Ilir Saqellari
Integrimi ne NATO duket se do te jete perparesi absolute e politikes ne vitin 2008. Aktore te rendesishem te saj shprehen dje domosdoshmerine per nje angazhim maksimal dhe konsensus lidhur me reformat integruese ne strukturat euroatlantike. Ata thone se 3 muajt e pare do te jene vendimtare per ta afruar vendin te ftesa e pritshme per anetaresim ne NATO.
Ish-kryeministri i vendit, Pandeli Majko, mendon se politika do te luaje rolin kryesor per mbarevajtjen e procesit. Ai i tha "Korrierit" se reforma ne drejtesi dhe ajo zgjedhore jane dy kushtet kryesore drejt integrimit, te cilat duhen realizuar nga te gjithe aktoret politike. "Reformat qe pritet duhet te jene politike! Reforma zgjedhore dhe ajo e drejtesise jane kryesoret"- u shpreh bashkekryetari i Komisionit te Posacem Parlamentar per Integrimin ne NATO. Edhe per qeverine duket se reformat integruese jane objektivat kryesore te 2008-es. Zevendeskryeministri, Gazmend Oketa nenvizoi dje se perpjekjet per marrjen e fteses do te jene maksimale. Edhe sipas tij, reformat e domosdoshme mbetet ajo zgjedhore dhe reforma ne drejtesi. "Dy do te permendja si fushat me kryesore: reforma ne drejtesi dhe reforma zgjedhore. E rendesishme eshte qe per keto dy reforma te punohet intensivisht dhe politika te tregoje vullnet pozitiv per cuarjen perpara te tyre. Nese ne ecim perpara me keto reforma, atehere besoj se kemi permbushur detyrimet tona per te merituar kete ftese"- deklaroi Oketa. Numri 2 i ekzekutivit theksoi se objektivi kryesor i ketyre 3 muajve te pare do te jene pikerisht realizimi i ketyre reformave. Ne fakt, muaji prill kur do te zhvillohet Samiti i ardhshem i Bukureshtit, do te jete vendimtar per fatin e vendit. Deri atehere dy reformat duhet te jene kryer ne te kundert, do te "digjej" nje tjeter shans per t'u bere pjese e strukturave euroatlantike. Edhe Levizja Socialiste per Integrim, u angazhua dje maksimalisht ne rolin progresiv te saj drejt integrimit te vendit ne NATO, por edhe ne Bashkimin Evropian. Kryetari i Grupit Parlamentar te LSI-se, Pellumb Xhufi, vuri ne dukje se prioritet i LSI-se do te jene reformat integruese. Por, nisur nga ky fakt LSI-ja kritikon qeverine e i kerkon shumices ne pushtet, qe ndryshe nga e shkuara te bashkepunoje edhe me opoziten. "Ne si force politike do te insistojme me force qe qeveria, maxhoranca, te nise ne reformat e medha, reforma ne drejtesi dhe reforma zgjedhore, te cilat, per fat te keq, deri tani kane ngelur ne stadin e tyre fillestar. Shqetesimi yne ka te beje me vendosjen ne rrugen e sakte te reformave, gje qe kerkon krijimin e nje klime konsensuale bashkepunimi midis faktoreve politike"- u shpreh Xhufi. Ky i fundit qe mban edhe postin e nenkryetarit te LSI-se, vuri ne dukje ne agjenden politike do te jete prioritet edhe ceshtje te tjera qe kane te bejne me nivelin ekonomik ne vend e shtresa te vecanta te popullsise. Ai nuk harroi te leshoje edhe sinjale politike lidhur me objektivat individuale te LSI-se per te fuqizuar pozitat e saj ne rang kombetar. Muajt e pare te 2008-es do te jene vendimtare ne percaktimin e ecurise se vendit drejt integrimit ne NATO. E per ta shnderruar ne realitet endrren disavjecare, opozita kerkon jo thjesht shprehjen e vullnetit politik, qe mund te shnderrohej ne demagogjine e radhes, por hapa konkrete dhe nje agjende te mirepercaktuar. Pikerisht me kete synim opozita kerkon mirekuptim per hartimin e nje strategjie te perbashket me mazhorancen qe ne fillim te sesionit te ri parlamentar. saqellari@korrieri.com