ALUIZNI, probleme me zonat kadastrale dhe vijat e verdha
06/04/2010 Nis procedura e pagesave me letrat me vlerë
ELBASAN- ALUIZNI në Elbasan ka ngritur shqetësimin e mungesës së regjistrimit të zonave kadastrale dhe mungesës së vijave të verdha në disa zona. Kjo mungesë pengon edhe procesin e legalizimit për shkak të mosplotësimit të dokumentacionit. Drejtoresha e ALUIZNI-t, Elbasan Mimoza, Trimi tha gjatë takimit me prefektin se ka disa zona në Bashkinë e Elbasanit që nuk janë futur në këtë proces dhe që sjellin probleme për vazhdimin e procesit të legalizimit. “Në punën tonë të përditshme hasim në problemin e pazgjidhur të zonave kadastrale të pafutura në sistemin e regjistrimit. Vetëm në Bashkinë Elbasan, nga 7 zona kadastrale, 5 nuk janë futur në procesin e regjistrimit dhe kjo bën që pavarësisht gatishmërisë së ZVRPP për të na dhënë informacion, ky nuk është në nivelin e kërkuar. Po kështu tokat e ndara me ligjin 7501 duke mos qenë të regjistruara në ZVRPP mbeten me aktin e marrjes në pronësi nga Komisionet e Ndarjes së Tokave dhe në punën tonë nuk përbëjnë akte të finalizuara procesi dhe ne nuk mund të procedojnë deri në fund për të dhënë lejen e legalizimit”. Ndërkohë Trimi ngre edhe një tjetër problem që ka lidhje me përcaktimin e vijave të verdha. Sipas saj, ky problem është i theksuar në disa njësi dhe pengon procesin. “Problem i vjetër dhe i pazgjidhur mbetet mungesa e vijave të verdha. Kjo më e theksuar në rrethin e Librazhdit, disa fshatra në rrethin Elbasan dhe totalisht në komunat e rrethit të Gramshit”, theksoi drejtoresha e Agjencisë rajonale të Legalizimeve.
Ndërkohë ajo ka theksuar faktin se vënia në përdorim e pagesës së truallit me letrave me vlerë do t’i japë një hop pagesave të truallit të ndërtimeve pa leje dhe ALUIZNI është i përgatitur me gjithë infrastrukturën e nevojshme që tu shërbejë qytetarëve në këtë proces. Deri tani janë shpërndarë mbi 360 leje legalizimi dhe janë hipotekuar mbi 340, ndërsa 20 të tjera janë në proces regjistrimi.
ELBASAN- ALUIZNI në Elbasan ka ngritur shqetësimin e mungesës së regjistrimit të zonave kadastrale dhe mungesës së vijave të verdha në disa zona. Kjo mungesë pengon edhe procesin e legalizimit për shkak të mosplotësimit të dokumentacionit. Drejtoresha e ALUIZNI-t, Elbasan Mimoza, Trimi tha gjatë takimit me prefektin se ka disa zona në Bashkinë e Elbasanit që nuk janë futur në këtë proces dhe që sjellin probleme për vazhdimin e procesit të legalizimit. “Në punën tonë të përditshme hasim në problemin e pazgjidhur të zonave kadastrale të pafutura në sistemin e regjistrimit. Vetëm në Bashkinë Elbasan, nga 7 zona kadastrale, 5 nuk janë futur në procesin e regjistrimit dhe kjo bën që pavarësisht gatishmërisë së ZVRPP për të na dhënë informacion, ky nuk është në nivelin e kërkuar. Po kështu tokat e ndara me ligjin 7501 duke mos qenë të regjistruara në ZVRPP mbeten me aktin e marrjes në pronësi nga Komisionet e Ndarjes së Tokave dhe në punën tonë nuk përbëjnë akte të finalizuara procesi dhe ne nuk mund të procedojnë deri në fund për të dhënë lejen e legalizimit”. Ndërkohë Trimi ngre edhe një tjetër problem që ka lidhje me përcaktimin e vijave të verdha. Sipas saj, ky problem është i theksuar në disa njësi dhe pengon procesin. “Problem i vjetër dhe i pazgjidhur mbetet mungesa e vijave të verdha. Kjo më e theksuar në rrethin e Librazhdit, disa fshatra në rrethin Elbasan dhe totalisht në komunat e rrethit të Gramshit”, theksoi drejtoresha e Agjencisë rajonale të Legalizimeve.
Ndërkohë ajo ka theksuar faktin se vënia në përdorim e pagesës së truallit me letrave me vlerë do t’i japë një hop pagesave të truallit të ndërtimeve pa leje dhe ALUIZNI është i përgatitur me gjithë infrastrukturën e nevojshme që tu shërbejë qytetarëve në këtë proces. Deri tani janë shpërndarë mbi 360 leje legalizimi dhe janë hipotekuar mbi 340, ndërsa 20 të tjera janë në proces regjistrimi.