Abazaj: Rama pengesë e realizimit të kërkesave tuaja
21/04/2011 LSI fushatë në Tiranë dhe Nikël
Ndërtimi i një shkolle të re në Kombinat në zonën e rrugës “Shaban Bardhoshi” është premtimi që kryetarja e njësisë bashkiake nr. 6 në Kombinat dhe njëkohësisht kandidate për këtë njësi u ka bërë banorëve të kësaj zone. Abazaj ka theksuar se ndërtimi i saj do të bëjë të mundur që zhvillimi i mësimit të realizohet në kushte komode, pa orare të tejzgjatura, por nga ana tjetër kjo shkollë do të bëjë të mundur punësimin e 50 mësuesve. “Ne erdhëm sot këtu me kërkesë të komunitetit që fëmijët të mos jenë më në rrezik dhe të mos jetë më nevoja që gjyshërit apo prindërit të lënë punët e tyre dhe të shoqërojnë fëmijët, ata duhet të jenë të siguruar”, - tha kandidatja e LSI-së. Ajo tha se ka realizuar ato çka i janë nevojitur komunitetit në këta katër vjet, por një pengesë e rëndësishme për kërkesën e tyre ka qenë Bashkia e Tiranës. “Gjatë këtyre katër vjetve kemi ecur bashkërisht, atë ç’ka kërkuar komuniteti e kemi bërë ne dhe këtë do të bëjmë dhe këtë katërvjeçar. Kanë qenë kërkesat tuaja, por është bërë pengesë Bashkia e Tiranës, e cila na ka mbyllur derën dhe na ka braktisur, kësaj radhe do të jetë ndryshe, pasi 8 maji do të vërë hallkën e bashkëpunimit mes njësisë bashkiake, Bashkisë së Tiranës e qeverisë”, - theksoi ajo. Përfundimi i rrugës, ndërtimi i shkollës dhe kopshteve, si dhe mënjanimi i rrezikshmërisë nëpër rrugë do të jenë hapat e parë të ndërmarrjes së saj si kryetare e minibashkisë pas 8 majit. Po dje deputet e LSI-së Nasip Naço dhe Lefter Koka kanë prezantuar kandidatin e koalicionit “Aleanca për Qytetarin” në komunën Nikël në qarkun e Durrësit, Avdi Vathi. Duke kërkuar votat për kandidatin Vathi, dy deputetët premtuan se me të në krye të komunës do të realizojnë gjëra të prekshme për këtë komuniteti.
Ndërtimi i një shkolle të re në Kombinat në zonën e rrugës “Shaban Bardhoshi” është premtimi që kryetarja e njësisë bashkiake nr. 6 në Kombinat dhe njëkohësisht kandidate për këtë njësi u ka bërë banorëve të kësaj zone. Abazaj ka theksuar se ndërtimi i saj do të bëjë të mundur që zhvillimi i mësimit të realizohet në kushte komode, pa orare të tejzgjatura, por nga ana tjetër kjo shkollë do të bëjë të mundur punësimin e 50 mësuesve. “Ne erdhëm sot këtu me kërkesë të komunitetit që fëmijët të mos jenë më në rrezik dhe të mos jetë më nevoja që gjyshërit apo prindërit të lënë punët e tyre dhe të shoqërojnë fëmijët, ata duhet të jenë të siguruar”, - tha kandidatja e LSI-së. Ajo tha se ka realizuar ato çka i janë nevojitur komunitetit në këta katër vjet, por një pengesë e rëndësishme për kërkesën e tyre ka qenë Bashkia e Tiranës. “Gjatë këtyre katër vjetve kemi ecur bashkërisht, atë ç’ka kërkuar komuniteti e kemi bërë ne dhe këtë do të bëjmë dhe këtë katërvjeçar. Kanë qenë kërkesat tuaja, por është bërë pengesë Bashkia e Tiranës, e cila na ka mbyllur derën dhe na ka braktisur, kësaj radhe do të jetë ndryshe, pasi 8 maji do të vërë hallkën e bashkëpunimit mes njësisë bashkiake, Bashkisë së Tiranës e qeverisë”, - theksoi ajo. Përfundimi i rrugës, ndërtimi i shkollës dhe kopshteve, si dhe mënjanimi i rrezikshmërisë nëpër rrugë do të jenë hapat e parë të ndërmarrjes së saj si kryetare e minibashkisë pas 8 majit. Po dje deputet e LSI-së Nasip Naço dhe Lefter Koka kanë prezantuar kandidatin e koalicionit “Aleanca për Qytetarin” në komunën Nikël në qarkun e Durrësit, Avdi Vathi. Duke kërkuar votat për kandidatin Vathi, dy deputetët premtuan se me të në krye të komunës do të realizojnë gjëra të prekshme për këtë komuniteti.