Afganistan, NATO deklaron vrasjen e nr.2 të Al Kaeda
Saudi Sakhr al-Taifi është vrarë ditën e diel, pas një sulmi ajror në lindje të vendit
Numri 2 i Al Kaeda në Afganistan është vrarë fundjavën e kaluar gjatë një sulmi ajror në lindje të vendit, në kufi me Pakistanin. Kështu ka deklaruar sot NATO, që ka dhënë edhe detaje të identitetit të tij.
Saudi Sakhr al-Taifi, i njohur edhe me emrat Musthaq e Nasim, ishte përgjegjës për rekrutimin e kryengritësve dhe sulmeve kundër forcave të koalicionit dhe atyre afgane, thuhej në komunikatën e shpërndarë nga NATO.
Mësohet se Saudi Sakhr al-Taifi udhëtonte shpesh në Afganistan dhe Pakistan, duke transmetuar urdhra nga drejtuesit e Al Kaeda, furnizuar me armë dhe pajisje, por edhe për të transportuar luftëtarë në Afganistan. Al-Taifi është vrarë të dielën e kaluar në rajonin Watahpur, në provincën Kunar.
29 maj 2012 (gazeta-Shqip.com)
Afganistan, NATO deklaron vrasjen e nr.2 të Al Kaeda burimi: Gazeta Shqip