Aftësia e kufizuar, Arvizu: Të drejta punësimi

TIRANË- Ambasadori i SHBA-së në vendin tonë, Aleksandër Arvizu ka apeluar sot për shanse për punësim, garantimin e të drejtave dhe luftimin e stigmës në gjithë shoqërinë për personat me aftësi të kufizuar.

I pranishëm në konferencës për personat me aftësi të kufizuar PAK , Arvizu ka deklaruar se qeveria ka ende shumë për të bërë për të garantuar të drejtat për këtë kategori njerëzish.

Konferenca do përcjellë shembuj pozitiv të këtyre personave në ekonominë e Shqipërisë. Konferenca është mundësi që rrit ndërgjegjësimin për reforma që rrisin shanset për punësim të këtyre personave. 650 milionë njerëz nëpër botë vuajnë aftësinë e kufizuar, ndaj e vështirë të thuash që kjo është çështje e parëndësishme që ndikon vetëm tek një grusht njerëzish- tha ai.

Sipas tij, pavarësisht viteve të punës dhe kornizës ligjore për të integruar këta persona duhet shumë për të bërë, veçanërisht në fushën e punësimit.

Konferenca duhet të japë rekomandime të vlefshme për punësimin e këtyre personave, mjedis gjithëpërfshirës, të drejta të barabarta për punësim.