Agjenda e Bashës: Statusi i kandidatit dhe heqja e vizave

TIRANE- Përshpejtimi i kërkesës së Shqipërisë për statusin e vendit kandidat në Bashkimin Europian si dhe heqja e vizave për shqiptarët janë dy prioritet kryesore të diplomacisë shqiptare. Kështu thuhet në një deklaratë për shtyp të Ministrisë sonë të Jashtme ku bëhet e ditur se ministri Basha ka pasur një seri kontaktesh telefonike me homologët e tij. Ministri i Jashtëm suedez Karl Bildt, vendi i të cilit mban kryesinë e radhës së BE-së siguroi se presidenca suedeze do të mbështesë shqyrtimin pa vonesa të kërkesës së Shqipërisë për statusin e kandidatit, si dhe përmbylljen e procesit të liberalizimit të vizave për shtetasit shqiptare. Shqyrtimi i kërkesës së Shqipërisë është kërkuar publikisht edhe nga ministri i Jashtëm i Italisë dhe ish- zëvendëspresidenti i KE-së, Franko Fratini, në një deklaratë publike bërë në Trieste. Ndërkohë mësohet gjithashtu se kjo çështje ka qenë në qendër të bisedës telefonike mes Bashës dhe Fratinit

27 Korrik 2009