Ahmeti përgëzon minisamitin e Prevallës

“Vendet tona, si fqinjë të mirë, po e rikonfirmojnë realitetin e ri se kur ka vullnet të mirë, kur kultivohet klimë e mirëkuptimit dhe fqinjësisë së mirë, nga shtete rivale dhe me paragjykime për njeri-tjetrin, po shndërrohemi në partnerë dhe aleatë në orientimet tona për Ballkanin e integruar në NATO e BE. Rajoni ynë, nga vatër e krizave të shpeshta dhe e luftërave të përgjakshme po bëhet faktor paqeje e stabiliteti”, theksohet në letrën e Ahmetit, dërguar presidentëve Sejdiu, Topi, Ivanov dhe Vujanovic.

Ai ka nënvizuar se Kosova, Shqipëria, Maqedonia dhe Mali i Zi, po promovojnë vlerat evropiane, duke uruar kështu që takimeve të radhës t’u bashkëngjiten edhe personalitete tjera me ndikim në rajon.