Aksident në Durrës, një i vdekur dhe dy të plagosur

Kështu, ka humbur jetën 16-vjeçari Bruno Serjani ndërsa kanë mbetur të plagosur bashkemoshatarët e tij Fitim Bare dhe Aleks Sulejmani, i cili drejtonte mjetin. Ngjarja e rëndë ndodhi në aksin rrugor Durrës-Shijak, kur një mjet tip Benz me targa italiane doli nga rruga.

Sipas hetimeve të para të policisë, dyshohet se shkak i aksidentit është bërë shpejtësia tej normave të lejuara. Ngjarja e rëndë ndodhi rreth orës 10:00 të së martës. Të lënduarit janë dërguar me urgjencë në spital.