Aksident në Gjirokastër, dy të vdekur

GJIROKASTËR- Dy persona, gjysh e nip, kanë humbur jetën si pasojë e një aksidenti automobilistik. Ngjarja ndodhi orët e vona të së shtunës në rrugën kombëtare Gjirokastër- Tepelenë, në vendin e quajtur Gërhot, një kilometër larg qytetit të Gjirokastrës. Burime zyrtare të policisë kanë bërë të ditur se automjeti me targa "DI 3588 A", i drejtuar nga shtetasi Taulant Boci, 25 vjeç, është përplasur me një motor, i cili drejtohej nga shtetasi Agron Sinani, 59 vjeç dhe nipi i tij 9-vjeç. Duket se goditja ka qenë mjaft e fortë, pasi 59- vjeçari ka gjetur vdekjen e menjëhershme. Po kështu, për shkak të plagëve të marra edhe vogëlushi nuk ka mundur të mbijetojë. Ai ka ndërruar jetë dhjetë minuta pasi ishte transportuar në spitalin rajonal "Omer Nishani".