Aksioni “Furtuna”, tre në pranga, u sekuestrohen 23 doza heroinë
10/01/2009 I shisnin në shkollat e qytetit të Beratit
Sektori i antidrogës në drejtorinë e policisë së Qarkut të Beratit ka përfunduar me sukses paraditen e djeshme aksionin e koduar “Furtuna”, që është finalizuar me arrestimin e tre personave dhe sekuestrimin e 23 dozave heroinë. Burime të komisariatit të policisë së Beratit bëjnë me dije se paraditen e djeshme u bë arrestimi i 27-vjeçarit Romeo Këmbaci, lindur dhe banues në qytetin e Durrësit, 24-vjeçarit Aurel Etemaj, lindur dhe banues në Uznovë të Beratit, si dhe 25-vjeçarit Fation Hodo, po banor i qytetit të Beratit. Arrestimi i tyre u bë pasi në bazë të informacioneve të mara nga seksioni i luftës kundër narkotikëve në drejtorinë e policisë së Qarkut të Beratit këta shtetas në bashkëpunim me njëri-tjetrin prej disa kohësh kryenin aktivitetin e shitjes së lëndëve narkotike të llojit heroinë në shkollat e qytetit të Beratit. Gjatë operacionit “Furtuna” u bë e mundur kapja në flagrancë e këtyre shtetasve, ndërkohë që në banesën e Aurel Etemaj në Uznovë u sekuestruan 23 doza heroinë e bërë gati për shitje, me peshë të përgjithshme 10 gramë. Sipas burimeve të policisë, materialet e kësaj çështje iu dorëzuan prokurorisë së Beratit për veprën penale të “prodhimit dhe shitjes së lëndëve narkotike në bashkëpunim” si dhe “përshtatje të ambienteve për përdorim drogë”.
S. Gozhina
Sektori i antidrogës në drejtorinë e policisë së Qarkut të Beratit ka përfunduar me sukses paraditen e djeshme aksionin e koduar “Furtuna”, që është finalizuar me arrestimin e tre personave dhe sekuestrimin e 23 dozave heroinë. Burime të komisariatit të policisë së Beratit bëjnë me dije se paraditen e djeshme u bë arrestimi i 27-vjeçarit Romeo Këmbaci, lindur dhe banues në qytetin e Durrësit, 24-vjeçarit Aurel Etemaj, lindur dhe banues në Uznovë të Beratit, si dhe 25-vjeçarit Fation Hodo, po banor i qytetit të Beratit. Arrestimi i tyre u bë pasi në bazë të informacioneve të mara nga seksioni i luftës kundër narkotikëve në drejtorinë e policisë së Qarkut të Beratit këta shtetas në bashkëpunim me njëri-tjetrin prej disa kohësh kryenin aktivitetin e shitjes së lëndëve narkotike të llojit heroinë në shkollat e qytetit të Beratit. Gjatë operacionit “Furtuna” u bë e mundur kapja në flagrancë e këtyre shtetasve, ndërkohë që në banesën e Aurel Etemaj në Uznovë u sekuestruan 23 doza heroinë e bërë gati për shitje, me peshë të përgjithshme 10 gramë. Sipas burimeve të policisë, materialet e kësaj çështje iu dorëzuan prokurorisë së Beratit për veprën penale të “prodhimit dhe shitjes së lëndëve narkotike në bashkëpunim” si dhe “përshtatje të ambienteve për përdorim drogë”.
S. Gozhina