Alarmi i pastrimit te parave
Nje skenar klasik qe bazohet te shitja dhe blerja e korporatave fiktive. Xhimi Gurule ka nje karriere te gjate dhe ne nivele te larta.
Ka punuar si ish-nensekretar i Departamentit te Thesarit gjate administrates se presidentit Bush dhe si zevendesprokuror i pergjithshem i Shteteve te Bashkuara, prandaj eksperienca e ndihmon qe te shohe qarte shume gjera.
“Sigurisht nuk jam ekspert per kete rast. Eshte e pamundur pas vetem dy ditesh ketu, por kam nje kuptim te pergjithshem te pretendimeve dhe fakteve te perfshira. Per sa i perket atyre qe kam mesuar, sidomos pretendimet per shitjen dhe blerjen e korporatave fiktive, korporatave te rreme qe nuk kane vlere apo qellim ekonomik, nga pervoja ime, kjo perben nje flamur te kuq alarmi qe njofton pastrim parash. Keto lloj kompanish fiktive shpesh perdoren nga kriminelet per te pastruar para. Edhe nje here, shenja te tilla perbejne flamuj te kuq alarmi per pastrim parash”, eshte shprehur Gurule.
Pas nje takimi me prokurore shqiptare, oficere te policise gjyqesore, perfaqesues te institucioneve financiare, Gurule ben publike edhe keshillat qe i dha njesise Task Force per te luftuar pastrimin e parave, korrupsionin dhe krimin e organizuar.
Me i rendesishmi, sugjerimi per ndarjen e informacionit mes te gjithe komponenteve, hetuesve dhe bankave.
“Ajo qe me la me shume pershtypje ne takimet dhe bisedat me anetaret e Task Forces ishte qe e kuptojne rendesine qe ka ndjekja e parase. E kuptojne sa shume vlere ka per te qene ne gjendje te ndjekesh shtegun qe ndjek paraja, kapja e aseteve te pastruesve dhe konfiskimi i tyre nga shteti. Per sa i perket trajnimit, nuk ka dyshim qe hetimet e rasteve te pastrimit te parave jane me te veshtirat nga te gjitha hetimet kriminale. Ato kerkojne nje mendesi te caktuar, kerkojne trajnim te posacem, kerkojne aftesine per te analizuar regjistra financiare, te dhena kompjuterike, per te lidhur bashke modele transaksionesh mes bankave ne Tirane si dhe bankat e huaja. Eshte nje pune shume e veshtire”, deklaroi Gurule.
I pyetur mbi deklaratat e ambasadorit Withers per nderhyrjet e qeverise ne punet e drejtesise, Gurule pergjigjet:
“Se pari, ambasadori Uidhers ishte shume i qarte dhe shume i fuqishem ne deklaratat e tij per sa i perket nderhyrjeve ne punen dhe pergjegjesite e prokuroreve. Qartesisht, kjo eshte nje ceshtje serioze qe perben shqetesim serioz per Ambasaden e ShBA-ve si dhe per qeverine amerikane”.