Alarmohet biznesi: Rritja e dritave na dëmton rëndë
Bizneset në vend nuk e pranojnë rritjen e çmimit të energjisë elektrike me 13%. Edhe pse ERE miratoi një nivel më të ulët nga sa kërkoi OSSH, sërish për subjektet private mbetet shqetësim tarifa e lartë e dritave. Energjia elektrike zë peshë të rëndësishme në koston finale të produktit, për pasojë, ndryshimi i saj sjell efekte zinxhir në ekonominë e vendit. Të parët që reaguan dje ishin biznesi industrialist, të cilët preken nga shtrenjtimi i energjisë. Të shqetësuar janë dukur edhe prodhuesit e veshjeve, por edhe ndërtuesit, sidomos prodhuesit e lëndës së parë.
Sipas Konfindustrias, pasoja e parë e ndjeshme e rritjes së çmimit të energjisë do të jetë ndikimi i drejtpërdrejtë në uljen e konkurrueshmërisë së prodhimeve dhe shërbimeve shqiptare në krahasim me vendet e rajonit e më tej. "Energjia elektrike është njësi bazë e krijimit të kostos së të gjitha prodhimeve dhe shërbimeve, që varësisht industrive të vendit ndryshon nga 5-25% të kostos së përgjithshme", thotë Gjergj Buxhuku, administrator i Konfindustrias. Biznesi e vlerëson të palogjikshëm vendimin e ERE-s, në kushtet kur çmimi i energjisë elektrike është në ulje në tregjet ndërkombëtare, por edhe rritjes së prodhimit energjetik vendas gjatë vitit të fundit.
Padyshim që ulja e konkurrueshmërisë do të sillte pashmangshmërisht rritjen e falimentimeve për industritë e vendit me gjithë pasojat e padëshirueshme shoqëruese. Rrezikun më të madh e ndjen grupi i bizneseve fason, të cilët e ushtrojnë aktivitetin mbi bazën e porosive që vjen nga Perëndimi. Shoqata e Prodhuesve të Veshjeve deklaron me shqetësim se, rritja e dritave do t‘i bëjë bizneset fasone shqiptare më pak konkurruese se me kompanitë e rajonit, për pasojë shkakton efekte të mëdha negative në sektor. "Energjia elektrike zë mbi 25% të kostos totale në prodhimin e një produkti. Rritja e çmimit shkakton lëvizje të kostos totale, prish planin e biznesit, duke sjellë jo vetëm rënie fitimesh, por deri në falimentim për sektorin që mban me bukë rreth 110 mijë familje", thekson Bardh Sejdarasi, përfaqësuesi i biznesit tekstil.
Te ndërtuesit pasojat e rritjes së energjisë do të ndihen te çmimet e apartamenteve. "Të parët që preken janë bizneset prodhuese të lëndës së parë në ndërtim, si betoni, tulla apo hekuri. Shtrenjtimi i këtyre lëndëve rrit çmimin e banesave, ul shitjet dhe na përfshin në një situatë të vështirë", thotë Ilir Hebovija, nënkryetar i Shoqatës së Ndërtuesve. Sipas tij, janë rreth 120 ndërmarrje të prodhimit të lëndës së parë në ndërtim, ku pjesa kryesore ka si kosto bazë energjinë elektrike.
A.Kola
Sipas Konfindustrias, pasoja e parë e ndjeshme e rritjes së çmimit të energjisë do të jetë ndikimi i drejtpërdrejtë në uljen e konkurrueshmërisë së prodhimeve dhe shërbimeve shqiptare në krahasim me vendet e rajonit e më tej. "Energjia elektrike është njësi bazë e krijimit të kostos së të gjitha prodhimeve dhe shërbimeve, që varësisht industrive të vendit ndryshon nga 5-25% të kostos së përgjithshme", thotë Gjergj Buxhuku, administrator i Konfindustrias. Biznesi e vlerëson të palogjikshëm vendimin e ERE-s, në kushtet kur çmimi i energjisë elektrike është në ulje në tregjet ndërkombëtare, por edhe rritjes së prodhimit energjetik vendas gjatë vitit të fundit.
Padyshim që ulja e konkurrueshmërisë do të sillte pashmangshmërisht rritjen e falimentimeve për industritë e vendit me gjithë pasojat e padëshirueshme shoqëruese. Rrezikun më të madh e ndjen grupi i bizneseve fason, të cilët e ushtrojnë aktivitetin mbi bazën e porosive që vjen nga Perëndimi. Shoqata e Prodhuesve të Veshjeve deklaron me shqetësim se, rritja e dritave do t‘i bëjë bizneset fasone shqiptare më pak konkurruese se me kompanitë e rajonit, për pasojë shkakton efekte të mëdha negative në sektor. "Energjia elektrike zë mbi 25% të kostos totale në prodhimin e një produkti. Rritja e çmimit shkakton lëvizje të kostos totale, prish planin e biznesit, duke sjellë jo vetëm rënie fitimesh, por deri në falimentim për sektorin që mban me bukë rreth 110 mijë familje", thekson Bardh Sejdarasi, përfaqësuesi i biznesit tekstil.
Te ndërtuesit pasojat e rritjes së energjisë do të ndihen te çmimet e apartamenteve. "Të parët që preken janë bizneset prodhuese të lëndës së parë në ndërtim, si betoni, tulla apo hekuri. Shtrenjtimi i këtyre lëndëve rrit çmimin e banesave, ul shitjet dhe na përfshin në një situatë të vështirë", thotë Ilir Hebovija, nënkryetar i Shoqatës së Ndërtuesve. Sipas tij, janë rreth 120 ndërmarrje të prodhimit të lëndës së parë në ndërtim, ku pjesa kryesore ka si kosto bazë energjinë elektrike.
A.Kola