“Albania Dance 2010” Gara e tetë shteteve nis nga Durrësi
Autori i Lajmit: Redaksia
Fillimisht ka nisur si një eksperiment ballkanik, por që menjëherë u shndërrua në traditë. Dhe, për këtë u zgjodh pikërisht Durrësi dhe Tirana. Ashtu siç nisi në maj të 2006-s, edhe këtë vit trupa të baletit nga Kosova, Maqedonia, Suedia, Hollanda, Turqia, Italia, Kroacia, Shqipëria, Izraeli, Hungaria, Sllovenia, Zvicra, Greqia, etj, “do të masin forcat” në dancing modern. Koreografët më në zë të këtyre vendeve do të shpalosin për shumë ditë me radhë talentin në kërcim, ndërsa gjithçka zhvillohet me elemente spektakli, por edhe shpërblime.
Startimi
Edicioni i pestë i Festivalit Ndërkombëtar të Dancit Modern dhe Kontemporan (Albania Dance Meeting Festival 2010), që do të zhvillohet gjatë muajit maj të këtij viti ka çuar në Durrës kompani teatrore nga tetë vende të ndryshme të botës.
Kjo veprimtari, që startoi dje më 1 maj, për të përfunduar më 28 maj, në këtë edicion jubilar ka një pjesëmarrje shumë më të gjerë se sa vitet e kaluara. Para publikut durrsak dhe kryeqytetas ka nisur performimi nga grupe të njohura dhe të vlerësuara në festivale ndërkombëtare të kërcimit. Pjesa më e madhe kompanive të huaja vijnë në këtë eveniment me prodhimet e viteve 2009-2010 dhe gjatë këtij edicioni do të shfaqen edhe premiera absolute të disa shfaqjeve.
Tradita
Festivali, që ka krijuar një traditë të përvitshme tashmë, synon të bëhet arenë e shprehjes së aspiratave krijuese të artistëve nga vende të ndryshme. Ky eveniment mbështetet nga Ministria e Turizmit, Kulturës, Rinisë dhe Sporteve, si dhe nga Bashkia e Durrësit. Në katër edicionet e para, spektaklet nga vende të ndryshme të botës shfaqeshin brenda një jave, ndërsa edicioni i pestë do të zgjasë një muaj dhe, në programin e publikuar tashmë, shfaqjet në Durrës dhe Tiranë do të jepen kryesisht të mërkurave dhe në fundjavë, duke krijuar kushte më të mira për shikuesit dhe për interpretuesit e trupave pjesëmarrëse. Trupa teatrore amerikane “The Neta Dance Company” dhe koreografja Ursula Eagly do të jenë për herë të parë në vendin tonë me dy shfaqje të veçanta, duke sjellë përvojën e përtej Atlantikut në këtë zhanërr të kërcimit teatror.
Programi
Sipas Gjergj Prevazit, drejtori artistik i festivalit, “në programin e muajit të dancit janë parashikuar shfaqjet e trupës së koreografit hungarez Ferenc Feher, kompania “RytmBa” nga Suedia, kompania “Linga” nga Zvicra, etj.” Në programin e këtij edicioni, që do të vazhdojë gjatë gjithë muajit maj të këtij viti, janë pjesëmarrës nëntë kompani teatrore nga SHBA, Suedia, Zvicra, Franca, Spanja, Shqipëria dhe Hungaria. Festivali Ndërkombëtar i Dancit Modern dhe Kontemporan është një projekt unik në vendin tonë, pasi përfshin një fushë të rëndësishme të artit skenik për të cilën nuk ka ende një veprimtari të ngjashme. Ai ka nisur në vitin 2006 dhe deri tani në skenën e teatrove të Durrësit dhe Tiranës janë përballur artistikisht trupa dhe kompani teatrore nga Kosova, Maqedonia, Suedia, Hollanda, Turqia, Italia, Kroacia, Shqipëria, Izraeli, Hungaria, Sllovenia, Zvicra, Greqia, etj.
Ky lajm është publikuar: 02/05/2010
Fillimisht ka nisur si një eksperiment ballkanik, por që menjëherë u shndërrua në traditë. Dhe, për këtë u zgjodh pikërisht Durrësi dhe Tirana. Ashtu siç nisi në maj të 2006-s, edhe këtë vit trupa të baletit nga Kosova, Maqedonia, Suedia, Hollanda, Turqia, Italia, Kroacia, Shqipëria, Izraeli, Hungaria, Sllovenia, Zvicra, Greqia, etj, “do të masin forcat” në dancing modern. Koreografët më në zë të këtyre vendeve do të shpalosin për shumë ditë me radhë talentin në kërcim, ndërsa gjithçka zhvillohet me elemente spektakli, por edhe shpërblime.
Startimi
Edicioni i pestë i Festivalit Ndërkombëtar të Dancit Modern dhe Kontemporan (Albania Dance Meeting Festival 2010), që do të zhvillohet gjatë muajit maj të këtij viti ka çuar në Durrës kompani teatrore nga tetë vende të ndryshme të botës.
Kjo veprimtari, që startoi dje më 1 maj, për të përfunduar më 28 maj, në këtë edicion jubilar ka një pjesëmarrje shumë më të gjerë se sa vitet e kaluara. Para publikut durrsak dhe kryeqytetas ka nisur performimi nga grupe të njohura dhe të vlerësuara në festivale ndërkombëtare të kërcimit. Pjesa më e madhe kompanive të huaja vijnë në këtë eveniment me prodhimet e viteve 2009-2010 dhe gjatë këtij edicioni do të shfaqen edhe premiera absolute të disa shfaqjeve.
Tradita
Festivali, që ka krijuar një traditë të përvitshme tashmë, synon të bëhet arenë e shprehjes së aspiratave krijuese të artistëve nga vende të ndryshme. Ky eveniment mbështetet nga Ministria e Turizmit, Kulturës, Rinisë dhe Sporteve, si dhe nga Bashkia e Durrësit. Në katër edicionet e para, spektaklet nga vende të ndryshme të botës shfaqeshin brenda një jave, ndërsa edicioni i pestë do të zgjasë një muaj dhe, në programin e publikuar tashmë, shfaqjet në Durrës dhe Tiranë do të jepen kryesisht të mërkurave dhe në fundjavë, duke krijuar kushte më të mira për shikuesit dhe për interpretuesit e trupave pjesëmarrëse. Trupa teatrore amerikane “The Neta Dance Company” dhe koreografja Ursula Eagly do të jenë për herë të parë në vendin tonë me dy shfaqje të veçanta, duke sjellë përvojën e përtej Atlantikut në këtë zhanërr të kërcimit teatror.
Programi
Sipas Gjergj Prevazit, drejtori artistik i festivalit, “në programin e muajit të dancit janë parashikuar shfaqjet e trupës së koreografit hungarez Ferenc Feher, kompania “RytmBa” nga Suedia, kompania “Linga” nga Zvicra, etj.” Në programin e këtij edicioni, që do të vazhdojë gjatë gjithë muajit maj të këtij viti, janë pjesëmarrës nëntë kompani teatrore nga SHBA, Suedia, Zvicra, Franca, Spanja, Shqipëria dhe Hungaria. Festivali Ndërkombëtar i Dancit Modern dhe Kontemporan është një projekt unik në vendin tonë, pasi përfshin një fushë të rëndësishme të artit skenik për të cilën nuk ka ende një veprimtari të ngjashme. Ai ka nisur në vitin 2006 dhe deri tani në skenën e teatrove të Durrësit dhe Tiranës janë përballur artistikisht trupa dhe kompani teatrore nga Kosova, Maqedonia, Suedia, Hollanda, Turqia, Italia, Kroacia, Shqipëria, Izraeli, Hungaria, Sllovenia, Zvicra, Greqia, etj.
Ky lajm është publikuar: 02/05/2010