Albtelekom: Interneti, 50 per qind me lire
Kompania Albtelekom ka prezantuar dje ofertat e fundvitit per klientet e saj. Behet fjale per oferten me te re per sherbimin e internetit, duke dhuruar per abonentet e rinj, modemin, tarifen e instalimit dhe pergjysmimin e cmimit. Drejtori i Pergjithshem i Albtelekom, Mustafa Resit Akdogan, tha se duke filluar nga dita e hene, date 22 dhjetor 2008 dhe deri ne fund te muajit, Albtelekom ofron mundesi shume te mira per te gjithe klientet qe deshirojne te abonohen ne sherbimin e internetit me ADSL. "Me oferten e re, Albtelekom ofron modemin dhe tarifen e instalimit falas, si dhe do te kete 50 per qind ulje te tarifes mujore. Shpresojme qe kjo oferte te gezoje te gjithe, si perdoruesit familjare dhe bizneset, te cilet do te kene mundesi te perfitojne nga mundesite qe ne ofrojme. Gjithashtu per vitin 2009 kemi menduar dhe sherbime me vlere te shtuar, ku do te kete paketa speciale, te cilat shpresojme se do te gezojne perdoruesit familjare dhe bizneset", u shpreh Akdogan. Sipas tij, gjate ketyre muajve eshte punuar ne permiresimin e infrastruktures se telefonise fikse, ne qytetet kryesore te vendit dhe ne saje te realizimit te investimeve do te kete nje infrastrukture te re ne qytetet kryesore te vendit, Durres, Tirane, Vlore, Shkoder dhe Elbasan. Sipas Akdogan, duke nisur nga dita e hene, ne kryeqytet ne zonat "Garden City" afer Laprakes, ne zonen e Universitetit "Epoka", Spitali Ushtarak dhe ish-Fusha e Aviacionit, te interesuarit mund te bejne kerkesen per numer te ri telefoni.