Aleanca Kuq e Zi: Kanali i Korfuzit, një tjetër gjunjëzim i qeverisë shqiptare ndaj Greqisë

Aleanca Kuq e Zi ka reaguar në lidhje me kufirin detar në kanalin e Korfuzit, ku pala greke ushtron presion dhe nuk lejon peshkatarët dhe flotën shqiptare. Sekretari i përgjithshëm i Aleancës, Myslym Pashaj, që zbuloi skandalin e paktit detar me Greqinë, ka denoncuar këto shkelje.

Qeveria shqiptare ka fshirë ligjet e brendshme të kufirit tokësor dhe detar. Mesi i kanalit të Korfuzit është vija e vërtetë ndarëse detare. Shkelja e vijës është cenim i integritetit territorial. Mungesa e ligjeve e ka lënë këtë hapësirë të pambrojtur. Flota e peshkimit shqiptar ndodhet e kërcenuar nga trysnia greke. Rojet bregdetare greke vënë në presion flotën shqiptare të peshkimit. Kjo situatë është faji i qeverisë. Rasti i kanalit të Korfuzit është një tjetër gjunjëzim i qeverisë shqiptare, tha Pashaj gjatë një konference për shtyp.