Allias, sherr mes të rinjsh,1 i plagosur

Një i ri është plagosur me thikë pas një sherri mes shokësh në zonën e Alliasit në kryeqytet. Ngjarja ka ndodhur mbrëmjen e sotme ku Denis Çaka është qëlluar me thikë pas një sherri mes disa të rinjve. Menjëherë Çaka është dërguar në spitalin ushtarak ku po merr edhe ndihmën mjekësore të nevojshme.
Policia e cila ndodhet në vendngjarje po bën të mundur identifikimin dhe kapjen e autorëve të ngjarjes. Nuk dihen ende shkaqet e vërteta të ngjarjes.