Ambasadoret e Kosoves nisin punen
Ambasadoret e shtetit me te ri ne Ballkan nisin punet e tyre ne perfaqesite e tyre diplomatike neper bote. Nga dita e djeshme te ngarkuarit e pare me pune u nisen per ne misionet e tyre diplomatike neper bote. Zevendesministrja e Puneve te Jashtme, Vlora Citaku, beri te ditur dje se kontingjenti i diplomateve kosovare do te filloje te shperndahet nga Kosova dhe do te vazhdoje deri nga fundi i javes se ardhshme, kur parashihet te permbyllet cikli i pare i funksionalizimit te ambasadave te Kosoves. "Te ngarkuarit ne pune fillimisht do te vendosen neper objekte me qira, pasi qe blerja e ambasadave nuk eshte thjeshte blerje e patundshmerise, por kerkon nje procedure te vecante qe merr kohe", shpjegoi zyrtarja e larte e ministrise se Jashtme. Qeveria i ka ndare Ministrise se Jashtme nje buxhet prej 25 milione eurosh per blerjen e objekteve te ambasadave, perkatesisht misioneve diplomatike. Ndryshe, ministria e Puneve te Jashtme paralajmeron se se shpejti do te shpall rrethin e dyte te ambasadave qe pritet te hapen neper vendet e ndryshme te botes. Nderkohe Qeveria e Kosoves ka deklaruar se po ben pergatitjet qe te filloje me punen e ambasadave dhe misioneve te para diplomatike gjate ketij muaji. Zyrtare te MPJ-se thone se fillimisht keto misione do te nisin punen me staf te reduktuar. Institucionet kosovare po bejne perpjekje qe brenda dhjete ditesh te nisin punen ambasadat dhe misionet e para diplomatike. Diplomatet e pare kosovare, sipas zyrtareve ne Ministrine e Puneve te Jashtme, do te dergohen ne keto misione edhe pse ende Kosova nuk i ka te percaktuara objektet, te cilat do t'i shfrytezoje si ambasada. Kujtim Shala, keshilltar i ministrit te Jashtem, Skender Hyseni, thote se te dhjete misionet e Kosoves, pervec Brukselit, do te nisin punen gjate ketyre diteve, qofte nevoja edhe neper hotele. Nje zgjidhje e tille, sipas Kujtim Shales, eshte e perkohshme. "Deri me tani jane identifikuar disa objekte, por asnjeri prej tyre nuk eshte perzgjedhur, sepse per secilin prej tyre duhet te aplikohet procedura e prokurimit dhe ne do ta respektojme ate. Ka vende qe misionet e tyre i mbajne edhe neper hotele, por ne nuk e kemi ndermend qe ta bejme kete, por per fillim ashtu do te shkoje puna", sqaroi Shala. Ndersa per dhjete misionet e para diplomatike jane ndare mjetet dhe pritet qe ato te fillojne punen, Ministria e Jashtme ka hartuar edhe nje strategji per ambasadat qe parashihen te hapen vitin tjeter. Shala thote se ne keto ambasada do te perfshihen edhe misionet diplomatike ne republikat e ish-Federates Jugosllave, perkatesisht edhe ne vendet fqinje, Maqedoni e Mal te Zi.