Amerika Latine dhe Karaibet formojnë union të ri rajonal, SHBA lihet jashtë

"Vendet e Amerikës Latine dhe Karaibet kanë rënë dakord për të krijuar një aleancë të re rajonale, pa Shtetet e Bashkuara dhe Kanadanë", tha Presidenti meksikan, Felipe Kalderon në një takim të martën. Blloku "duhet të ketë prioritet nxitjen për integrimin rajonal ... dhe promovimin e axhendës rajonale në takimet globale", tha Kalderon në takimin me pjesëmarrës nga 32 vende, duke përfshirë 24 udhëheqës, në plazhin Kankun. Grupi i ri i shteteve pritet të shërbejë si një alternativë për Organizatën e Shteteve Amerikane (OAS), e cili përfshin fqinjët e Amerikës së Veriut dhe ka qenë forumi kryesor për çështjet rajonale prej rreth gjysmë-shekulli. Kjo ishte një lëvizje për të qëndruar larg nga ndikimi tradicional i Shteteve të Bashkuara në rajon, dhe u promovua nga dy vende të rëndësishme rajonale, Brazili dhe Meksika. Presidenti i Kubës, Raul Kastro ishte ndër të parët që mbështeti këtë thirrje, gjatë një transmetimi të sesionit final të takimit në televizion, duke e vlerësuar këtë hap si një veprim historik drejt "kushtetutës së organizate të pastër të Amerikës Latine dhe Karaibeve". Ndihmëssekretari i Shtetit për çështjet e hemisferës perëndimore, Arturo Valenzuela tha në Uashington se Shtetet e Bashkuara nuk e konsiderojnë grupimin e ri si një problem. "Zëvendësimi OAS? Unë nuk mendoj se shumica e vendeve e pranojnë këtë ide", tha Valenzuela për gazetarët në Uashington. "Kjo nuk duhet të jetë një përpjekje që do të zëvendësojë OAS", shtoi ai.