Amnistia fiskale, sot finishi i procesit per qytetaret Eglantina Nasi
Sot eshte dita e fundit qe qytetareve u jepet mundesia per te rivleresuar banesat e tyre sipas vleres se tregut. Ne kuadrin e procesit te njohur si "amnistia fiskale", permbyllet ne kete menyre sot zyrtarisht afati i percaktuar nga ministria e Financave rreth tij. Afat ky, i cili pesoi nje shtyrje te tij ne muajt e pare te vitit, ndryshe nga ai i percaktuar fillimisht, se bashku me kategorine e biznesit per te perfituar nga amnistia fiskale, 31 marsi. Ne te tilla kushte, i bie qe te gjithe qytetaret, te cilet duan te rivleresojne objektet e tyre kundrejt nje pagese modeste, kane edhe vetem nje dite kohe. Kjo do te thote se prane zyrave te regjistrimit te pasurive te paluajtshme, ata mund te kryejne edhe sot veprimin e rivleresimit te objekteve ne vleren reale te tregut, duke perfituar kthimin e tyre ne kete vlere, e ne raste transaksionesh shit-blerjes, do te paguhet vetem 1% e vleres dhe jo 10%, sic percaktonte ligji i meparshem. Nga ana e tyre, zyrtaret e ministrise se Financave kane bere me dije vetem pak kohe me pare, se shtyrja e afatit te zbatimit te ligjit nga data 31 mars ne daten 31 gusht, rezultoi te ishte nje mase e suksesshme e qeverise. Duke saktesuar se vetem gjate kater muajve te shtyrjes se afatit te ketij procesi, e cila perkonte me periudhen e muajve prill-korrik, jane rivleresuar rreth 10.628 pasuri te paluajtshme dhe se tatimi i mbledhur nga ky proces, eshte 458 milione leke. Ndersa ne total, rezulton se procesi ka permbyllur rivleresimin e 57.603 pasurive te paluajtshme dhe nje tatim total te mbledhur ne vleren e 2.55 miliarde lekeve. Nder te tjera, ekspertet e Financave kane bere me dije se rivleresimi i pasurise se paluajtshme, si i tille, ka perbere nje nder dispozitat me me interes per individet ne kuader te ligjit nr. 10418, date 21.4.2011 "Per legalizimin e kapitalit dhe faljen e nje pjese te borxhit tatimor dhe doganor". Gjithcka flet per nje sukses te ketij procesi, i cili u ka ardhur ne radhe te pare ne ndihme qytetareve. Vete Krye-regjistruesi i vendit, Arben Qirjako, ka sqaruar publikisht here pas here detajet e procesit, duke saktesuar se perfitimi kryesor i qytetareve prej tij, eshte pikerisht ai se ne rastin e kalimit te pronesise, ata duhet te paguajne 10% te diferences midis cmimit qe e kane blere nje objekt dhe cmimit qe po e shet. Por ne rast se kjo banese rivleresohet, kur ajo te ndryshoje pronesi, kjo takse do te jete zero. Kujtojme ketu, se pjese e procesit te rivleresimit, pra te amnistise fiskale, kane qene kryesisht banesat e ndertuara para viteve '90, te cilat qytetaret i kane blere me cmime modeste nga 30-50 mije leke te reja.