Anglia bllokohet nga moti i keq shtyhet elsi-Man. UTD

Dëbora dhe akulli ndalin Premier League. Shtyhet “big match”-i i javës së 18-të mes Çelsit dhe Mançester Junajtid, programuar për sot në “Stamford Brigde”. “Londra është mbuluar nga një jorgan i bardhë. Vendimi, - shpjegojnë “Blues”-at, - është marrë pas konsultimeve me policinë dhe autoritetet lokale”. U shtyn edhe pesë ndeshje të tjera: Uigan-Aston Vila, Liverpul-Fulhem, Birminghem-Njukasëll, Arsenal-Stok Siti e Blekpul-Totenhem. Në Liverpul stadiumi ishte në gjendje të mirë, por u vendos, me ftesë të policisë, të mos luhej për shumë arsye sigurie. “Siguria e tifozëve qëndron para të gjithave, - shpjegon klubi. - Me gjithë terrenin e praktikueshëm, kushtet përreth stadiumit dhe për tifozët në udhëtim na detyruan të ndjekim këshillën e policisë për të shtyrë ndeshjen”. Klubi i Uiganit saktësoi se shtyrja erdhi për shkak të dëborës. Edhe arsyeja e Birmingemit ishte siguria. Siti i Blekpulit zyrtarizon se sfida e sotme ndaj Totenhemit nuk do të luhet, “për shkak të dëborës dhe temperaturave të ulëta nën zero”. Vetëm dy ndeshje janë luajtur sipas programit. Në të parën, Sanderlendi ka fituar 1-0 ndaj Boltonit, ndërsa Blekbërni ka barazuar 1-1 ndaj Uest Hem. Ndërkohë që janë marrë masa për shtyrjen edhe në kategoritë inferiore angleze, duke filluar që nga Championship. Gjithçka është ndaluar, ose thuajse, edhe në kampionatit skocez.