Apeli i Wolfarth Respektoni vendimin e Kolegjit

Në vlerësimin e tij për vendimin e sotëm të Kolegjit Zgjedhor ambasadori i OSBE Eugen Wolfarth është shprehur nga Elbasani se tashmë shpreson për zhvillime pozitive politike në Tiranë dhe në të gjithë vendin. Ai u ka bërë thirrje partive politike që të respektojnë vendimin e dhënë nga drejtësia.

Zoti Wolfarth tha se ky vendim është i rëndësishëm dhe se vendi ka nevojë për administrim e vendimarrje sa më të mirë në kuadër të integrimit europian. Komentet e tij kreu i zyrës së OSBE-së në Shqipëri i bëri pas takimeve me drejtues lokalë në qytetin e Elbasanit.