Arben Imami merr anëtarësinë në Këshillin Kombëtar të PD
17/05/2005 Pëllumb Berisha humb postin, për shkak të kandidimit nën siglën e LZHK
Arben Imami ka arritur të marrë një mandat në Këshillin Kombëtar të Partisë Demokratike. 10 vjet pas kthimit në PD, Imami është konfirmuar dje në anëtarësinë e Këshillit, duke zëvendësuar Pëllumb Berishën, i cili është shpallur si kandidat për deputet nën siglën e Lëvizjes për Zhvillim Kombëtar. Vetë kryetari i PD-së, Berisha, tha dje se Imami është i pari në listë që do të futet sapo të krijohet një vend vakant në Këshillin Kombëtar. “Unë nuk mund të imponoj votimin e anëtarëve të Partisë, por, me sa di unë, Imami është i pari në listë dhe sapo të krijohet një vend vakant do të bëhet e mundur futja e tij në këtë strukturë”, tha Berisha. Kandidimi i Pëllumb Berishës në një nga zonat e Durrësit, nën siglën e LZHK-së, duket se i ka dhënë fund karrierës së tij politike në PD dhe duke i liruar vendin në Këshill Kombëtar personave që nuk arritën të merrnin numrin e nevojshëm të votave nga delgetatë. Në zgjedhjet e Kuvendit Kombëtar të PD-së, Arben Imami, i cili është një nga themeluesit e kësaj partie, mori 201 vota dhe vetëm për tri vota nuk arriti të hyjë në këtë forum, i cili është ndër strukturat më të larta në Partinë Demokratike. Vetë Imami, pas humbjes në Kuvend, u shpreh se do të vazhdonte të kontribuonte në këtë parti. “Besoj që është bërë e qartë gjatë gjithë kësaj kohe mbështetja ime për PD-në dhe për fitoren e padiskutueshme në zgjedhjet e ardhshme kundrejt një oligarkie të inkriminuar. Lidhur me votimin në Kuvendin Kombëtar, dua të them që gati gjysma e votuesve kanë votuar pro dhe kjo për mua është një sadisfaksion i madh; e dyta, është që unë kam bërë një pozicion shumë ekspresiv të themi, gjatë viteve që PD-ja ka qenë në pushtet dhe gjithashtu kundrejt personit tim ka patur shumë më tepër keqinformime, nga gazeta zyrtare të asaj kohe, një pjesë e mirë e të cilave janë zyrtare edhe sot”, u shpreh Imami, menjëherë pas nxjerrjes së rezultateve për Këshillin Kombëtar.
Arben Imami ka arritur të marrë një mandat në Këshillin Kombëtar të Partisë Demokratike. 10 vjet pas kthimit në PD, Imami është konfirmuar dje në anëtarësinë e Këshillit, duke zëvendësuar Pëllumb Berishën, i cili është shpallur si kandidat për deputet nën siglën e Lëvizjes për Zhvillim Kombëtar. Vetë kryetari i PD-së, Berisha, tha dje se Imami është i pari në listë që do të futet sapo të krijohet një vend vakant në Këshillin Kombëtar. “Unë nuk mund të imponoj votimin e anëtarëve të Partisë, por, me sa di unë, Imami është i pari në listë dhe sapo të krijohet një vend vakant do të bëhet e mundur futja e tij në këtë strukturë”, tha Berisha. Kandidimi i Pëllumb Berishës në një nga zonat e Durrësit, nën siglën e LZHK-së, duket se i ka dhënë fund karrierës së tij politike në PD dhe duke i liruar vendin në Këshill Kombëtar personave që nuk arritën të merrnin numrin e nevojshëm të votave nga delgetatë. Në zgjedhjet e Kuvendit Kombëtar të PD-së, Arben Imami, i cili është një nga themeluesit e kësaj partie, mori 201 vota dhe vetëm për tri vota nuk arriti të hyjë në këtë forum, i cili është ndër strukturat më të larta në Partinë Demokratike. Vetë Imami, pas humbjes në Kuvend, u shpreh se do të vazhdonte të kontribuonte në këtë parti. “Besoj që është bërë e qartë gjatë gjithë kësaj kohe mbështetja ime për PD-në dhe për fitoren e padiskutueshme në zgjedhjet e ardhshme kundrejt një oligarkie të inkriminuar. Lidhur me votimin në Kuvendin Kombëtar, dua të them që gati gjysma e votuesve kanë votuar pro dhe kjo për mua është një sadisfaksion i madh; e dyta, është që unë kam bërë një pozicion shumë ekspresiv të themi, gjatë viteve që PD-ja ka qenë në pushtet dhe gjithashtu kundrejt personit tim ka patur shumë më tepër keqinformime, nga gazeta zyrtare të asaj kohe, një pjesë e mirë e të cilave janë zyrtare edhe sot”, u shpreh Imami, menjëherë pas nxjerrjes së rezultateve për Këshillin Kombëtar.