Argjinatura e Torovices Berisha Evakuim me force
LEZH/ Jane rreth 50 mjete qe punojne gjithe kohes per forcimin e argjinatures se Torovices. Frike tek banoret
Situata eshte perkeqesuar edhe me teper ne Torovice ne kufirin ndares me Shkodren. Vazhdon puna intensive per ngritjen e argjinatures por nderkohe edhe niveli i ujit po rritet nga casti ne cast. Vetem pak centimetra kane mbetur pa kapercyer argjinaturen e cila ne dy dite eshte lartesuar mbi nje meter. Kryeministri Sali Berisha ka inspektuar situaten ne vend ku theksoi se deri tani Torovica eshte shpetuar nga kjo dige jetike e cila ka mbrojtur Lezhen dhe zona te tjera nga permbytjet. Berisha deklaroi se situata eshte teper kritike dhe urdheroi evakuimin e detyruar te banoreve te Torovices por edhe zones fushore te Balldrenit dhe strehimin e tyre ne hotelet e Shengjinit.
Niveli i ujit ka arritur ne piken kritike dhe shpeshhere ka rrezikuar edhe carjen e argjinatures. Gjate gjithe dites se premte dhe te shtunes ka vazhduar aksioni pa nderprerje per lartesimin e argjinatures ku mbi 50 automjete te firmave te ndryshme private si edhe te ushtrise jane angazhuar per sjelljen e inerteve. Situaten po e monitoron ne vend gjate gjithe kohes edhe ministri i Punes Spiro Ksera. Ndersa prefekti Dajci theksoi se puna e bere per ngritjen e argjinatures ka evituar permbytjet deri ne keto momente por sipas tij gjendja vazhdon te jete kritike pasi niveli i ujit eshte rritur frikshem.
Gjate gjithe ketyre diteve jane angazhuar edhe forca te shumta te policise te cilet jo vetem kane ruajtur bentin argjinaturen por po qendrojne ne kontakt me banoret per evakuime te mundshme. Banoret shprehen se ndihen te rrezikuar nga momenti ne moment dhe po qendrojme ne gatishmeri per tu evakuar. Niveli i ujit ne zonen e Shkodres ne kufi me Lezhen ka arritur mbi 65 metra. Ne rast te carjes se kesaj argjinature e rrezikuar nuk do te ishte Lezha por uji i permbytjeve do te mberrinte deri ne Fushe-Kruje duke shkaktuar keshtu nje katastrofe per te gjithe banoret qe do te prekeshin nga keto ujera.