Arsenali, krenar me pozitën e tretë

Arsene Wenger ka pranuar se është i kënaqur me mënyrën se si Arsenali përfundoi sezonin, duke siguruar vendin e tretë në Premierligë dhe pjesëmarrjen në edicionin e ardhshëm të Ligës së Kampionëve.

“Në fund arritëm në 70 pikë që na mjaftoi për kualifikim direkt në Ligën e Kampionëve. 15 vite të njëpasnjëshme në këtë garë, pa dyshim se mund të jemi krenar për këtë. Sidomos këtë sezon duke pasur parasysh prej nga kemi filluar”, deklaroi Wenger për uebfaqen zyrtare të klubit.