Arsenali, statuja për legjendat
Arsenali do të shënojë 125 vjetorin e themelimit, duke shpalosur statujat e legjendave të klubit Herbert Chapman, Tony Adams dhe Thierry Henry jashtë stadiumit Emirates këtë të premte.
Gjiganti londinez më herët gjatë kësaj jave kishte njoftuar për qëllimin e tij për vendosjen e monumenteve, por fillimisht mbajti të fshehur identitetin e treshes së ikonave – secili prej të cilëve ka lënë gjurmë në historinë e klubit të themeluar më 1886 – të mbuluara.
Megjithatë, është bërë e ditur se statujat do të jenë të Chapman, Adams dhe Henry. Ish menaxheri i Arsenalit, Chapman, i cili vdiq papritmas më 1934, i solli klubit dy tituj të kampionit në ligë dhe një FA Cup gjatë kohës sa ishte në drejtim të Topçinjve.
Ai krijoi një trashëgimi, të cilën e përcolli ekipi dhe fitoi dy tituj të tjerë të njëpasnjëshëm në aso kohe Divizionin e Parë, arritje të cilën nuk e kishte bërë askush deri te Liverpooli gjysmë dekade më vonë.
Adams ishte njeriu i fundit që gjithë karrierën e tij si futbollist ia përkushtoi Arsenalit. Ai kaloi 19 vite në klub dhe ishte kapiten i skuadrës në 14 prej tyre, gjatë të cilave fitoi 13 tituj, përfshirë dy Premierliga dhe FA Cup më 1997-98 dhe 2002-01.
Ndërsa Henry është golashënuesi më i mirë në histori të Arsenalit me 226 gola në 370 ndeshje gjatë tetë viteve të qëndrimit të tij në veri të Londrës, që filloi më 1999 kur menaxheri Arsene Wenger e transferoi nga Juventus.
Njëri prej yjeve të epokës së Premierligës, Henry ishte kapiten i skuadrës dhe fitoi dy tituj të Premierligës dhe tri FA Cup së bashku me çmime të ndryshme individuale.