Arsim, nisin pergatitjet per listen e zeze

Brenda nje kohe te shkurter edhe universitetet, qofshin keto private apo shteterore do te vleresohen me nota sipas standardeve te cilesise. Lajmi u be i ditur dje nga Kryeministri Sali Berisha, i cili deklaroi se qeveria do te kerkoje vendosjen dhe respektimin e standardeve ne arsimin e larte. Ne kete kontekst, ai beri te ditur se brenda disa muajve, do te kontraktohet, me tender te hapur nderkombetar, nje nga kompanite me serioze evropiane per te bere klasifikimin me pike te universiteteve publike e private. "Dua t'i siguroj qytetaret shqiptare se brenda disa muajve do te kontraktohet, me tender te hapur nderkombetar, nje nga kompanite me serioze ne Evrope, qe do t'i vendose ne vleresim te pavarur si universitetet private dhe ato publike. Kjo sepse nuk mund te themi se shteti eshte i mire dhe sektori privat per t'u mbikeqyrur, por do te bejme, ne kushte te barabarta, klasifikimin e te gjitha universiteteve", beri me dije Kryeministri Sali Berisha. Ai vleresoi se klasifikimi i tyre do ta beje procesin transparent dhe do te qartesoje qytetaret shqiptare. "Ne kete menyre, do ta bejme procesin transparent dhe do te qartesojme qytetaret shqiptare ne lidhje me klasifikimin e tyre, duke u bere te qarte se ky universitet nuk mund te funksionoje dhe prandaj futet ne 'listen e zeze'".
"I njejti proces vleresimi do te zbatohet edhe per deget publike, te cilat, ne rast se vleresohet se nuk mund te funksionojne, do te futen ne 'listen e zeze'. Kjo shenon nje hap shume te rendesishem", tha Kryeministri. Krahas arsimit te larte, Kryeministri kerkoi terheqjen e vemendjes se sektorit privat edhe ne arsimin e mesem profesional, duke siguruar se, nga ana e saj, qeveria do te shohe mundesite e nje kuadri lehtesues financiar ne kete drejtim. "Duhet te bejme cdo perpjekje per te zgjuar interesin e sektorit privat per arsimin e mesem profesional. Perpjekjet jane te vyera dhe efikase, kur ato shoqerohen me masa e stimuj konkrete, me lehtesira fiskale dhe ndarje te buxhetit ne partneritet publik privat. Qeveria i ka keto perpjekje, para se gjithash, financiare, prandaj duhet te shohim nje kuader lehtesues financiar per shkollat e mesme profesionale dhe mundesite e ndarjes se ngarkeses financiare, si dhe cdo stimul tjeter," u shpreh Kryeministri, duke kerkuar nga Ministria e Financave te shqyrtoje mundesite e nje qendrimi te diferencuar ndaj investimeve private ne arsim dhe shendetesi.