Arsimi, synohet eleminimi i braktisjes së arsimimit të detyruar 9 vjeçar
Kukës- Gjendja arsimore në qytetin e Kukësit paraqitet ende e vështirë për shkak braktisjes së shkollës në sistemin 9-vjeçar. Për këtë arsye, autoritetet po marrin masa parandaluese në rikthimin e nxënësve në bankat e shollës. Përgjegjësi i zyrës së statistikës në drejtorinë rajonale të arsimit ne Kukes, Ylli Metalia, u shpreh se përfundimet e vitit shkollor 2007 - 2008 kanë identifikuar vetëm 190 nxënës të arsimit 9-vjeçar që kanë braktisur shkollën, nga rreth 820 nxënës që braktisnin brenda një viti shkollor një vit më parë. “Bashkëpunimi me komunitetin e prindërve e OJQ-të lokale ka bërë që fenomeni i braktisjes së shkollës të minimizohet”- theksoi Metalia. Tashmë fenomeni i braktisjes së shkollës në këtë qytet po shënon përmirësime dhe nuk është më problematic Sipas Metalisë, vëmendja do të përqëndrohet në eleminimin e fenomenit të ashtuquatur “braktisje e fshehtë”, që është mjaft i përhapur në shkollat e zonave rurale.
Specialistët marrrin masa kundër brucelozës
Kukës- Specialistët e Shëndetësisë kanë marrë masa kundër përhapjes së sëmundjes së brucelozës që shkaktohet nga mungesa e jodit. Rreth 22 persona me sëmundjen e brucelozës kanë marrë ndihmën mjekësore në spitalin rajonal të Kukësit për periudhën janar - qershor të këtij viti. Përgjegjësi i spitalit infektiv të Kukësit, Mark Nufi, u shpreh se rastet e shfaqura gjatë periudhës janar - qershor janë identifikuar shpejt, ndërsa situata në rreth është nën kontroll. Sëmundja e brucelozës me prejardhje nga konsumimi i mishit të bagëtisë, ka një shtrirje të kufizuar gjeografike. Kjo sëmundje është e shtrirë kryesisht në komunat e Kalisit, Bushtricës, Grykë Cajës, por në raste të veçanta edhe në zona të tjera të rrethit. Masat e marra me rreptësi e kanë ulur në masan 4-5 për qind mundësinë e infektimit, me tendencë për ta ulur në zero. Sëmundja e Brucelozës shkaktohet nga mungesa e jodit në kripë dhe tek njerëzit merret nëpërmjet konsumimit që i bëhet mishit të bagëtive. Për ta parandaluar, duhet që fshatarët të ushqejnë bagëtinë me kripë që ka përmbajtje të mjaftueshme të jodit.
14 Korrik 2008