Asllani e nisë me fiotre në Olimpiadë

Të mërkurën mbrëma, futbollistja kosovare debutoi në Lojërat Olimpike ‘Londra 2012’ në ndeshjen ndërmjet Suedisë – ngjyrat e së cilës i mbron ajo – dhe Afrikës së Jugut. Këtë takim e fitoi me lehtësi ekipi i Kosovare Asllanit me rezultat të thellë 4:1 – në kuadër të Grupit F.

Asllani ka luajtur në shtatëmbëdhjetë minutat e fundit të këtij takimi, ngase ajo është inkuadruar në lojë në minutën e 73-të në vend të njërës prej sulmueseve më të mira në botë, Lotta Shelin.

Shelin i realizoi dy gola në këtë takim, derisa nga një gol tjetër e kanë shënuar Fischer dhe Dahlqvist.

Me këtë fitore Suedia është radhitur e para në Grupin F me tri pikë, sa ka edhe Japonia në vendin e dytë, kurse në dy pozitat e fundit, pa pikë të fituara, janë Kanada dhe Afrika e Jugut.