Asnjë kriter për Masterat e Bolonjës

 

Kryetarja e Komisionit të Edukimit pranë Asamblesë Kombëtare të PS-së, Ledi Shamku, bëri publike dje shqetësimin për vonesat në fillimin e vitit të ri akademik në universitete. "Studentët ende nuk dinë cilat janë kushtet e pranimit, nuk dinë as sa do t'u kushtojë ky cikël shkollimi. Studentët presin sot me sytë nga ministria të mësojnë kriteret për të vijuar studimin për Diplomat e Nivelit të Dytë, por kriteret ende nuk janë shpallur", tha Shamku.