Ata janë aty vetëm për të bërë para dhe asgjë tjetër

Ku ka besim me politikanët tanë? Këta i vrasin shqiptarët në mes të ditës e nuk u hyn gjemb në këmbë,jo më ta kenë problem t’i japin Greqisë tokë për varreza. Kujt, pikërisht, nga politikanët tanë i plas shumë menderja për këtë gjë?

A nuk janë pikërisht këta që i janë futur me zell shkatërrimit të Shqipërisë? A nuk janë pikërisht këta që kanë bërë të mundur vdekjen masive të shqiptarëve, nga dita në ditë, vetëm për mungesë elementare të shtetit? A nuk janë pikërisht këta shkaktarët e sëmundjeve masive që do të kapin Shqipërinë mbas 10-15 vitesh, si pasojë e ndotjes së ambientit, duhanit, të prodhuar posaçërisht për konsumator shqiptar, produktet eksperimentale ushqimore në tregun shqiptar, barnat e dorës së fundit, në mos të skaduara?

A nuk kanë këto, dhe shume të tjera, vetëm synimin që të ndalohet në të ardhmen rritja demografike e shqiptarëve dhe si rrjedhojë të ndalohet faktori shqiptar të ketë rol më të madh në rajon? Kush është shkaktar për shkatërrimin e pyjeve dhe betonimin e qytetit historik të Durrësit, gjithashtu një nga qytetet kryesore të Adriatikut?

Dhe ju flisni sikur u plasi këtyre mediokërve, këtyre maskarenjve për Shqipërinë dhe ndjenjat e shqiptarëve të thjeshtë. E vetmja pengesë e Greqisë, apo kujtdo tjetër për të marrë çfarë të dojë nga Shqipëria, është gjoba që i vënë politikanët tanë, asgjë më tepër. Harrojeni që mund të jenë gjërat më të komplikuara se aq. Ata janë aty vetëm për të bërë para dhe asgjë tjetër.