Australi mashtrim dramatik

Policia australiane thotë se  lajmi tronditës  për një bombë të vendosur në trupin e një  adoleshenteje, ishte  një përpjekje për  grabitje dhe mashtrim. 

Madeleine Pulver, 18 vjeç, ishte në shtëpinë e saj në Sydney, kur një person duket se arriti të hynte dhe t'i vendoste në qafë një mjet shpërthyes. U deshën dhjetë orë që policia të  hiqte pajisjen  nga qafa e  vajzëë, orë, gjatë të cilave u evakua lagjeja, në periferinë Mosman dhe u alarmuan dhe strukturat më të larta qeveritare.

Por pas orëve të ankthit policia bëri të ditur se   mjeti shpërthyes ishte i rremë dhe motivi, pas gjestit makabër, grabitja. Sipas komisionerit të policisë të New South Wales, Mark Murdoch, pajisja rezultoi të jetë "një mashtrim shumë, shumë i sofistikuar".

Vajza e një  biznesmeni  software-sh pas  10 orëve dramatike  është shtruar në spital,  ndërsa policia  vazhdon hetimet për të identifikuar  autorin e ngjarjes, që sipas  kryeministres, Gulia Gillard, ishte më tepër një skenar i frikshëm, Hollivudi .

Delina Bitraku