Australi, presion për të pranuar ujgurët

Presidenti amerikan, Barak Obama i ka kërkuar qeverisë australiane të pranojë në territorin e këtij vendi një grup myslimanësh ujgurë që deri tani mbaheshin në burgun e Guantanamos. Ujgurët janë vlerësuar si të pafajshëm nga gjykatat amerikane. Është hera e parë që qeverisë australiane i kërkohet nga administrata "Obama" të pranojë të burgosur ujgurë në territorin e saj. Dy kërkesa të ngjashme të bëra nga administrata "Bush" u hodhën poshtë nga qeveria australiane.