Autobusi me pasagjere, pengmarrje horror

Ballsh- Odise frike dhe paniku per 6 pasagjere te autobusit te linjes Tirane-Sarande, te cilet mbeten peng per rreth gjysme ore e nje 32-vjecari nga Ballshi. Autobusi shperthen ne flake si pasoje e udhetimit per rreth 30 kilometra me frena dore, ndersa per fat te mire nuk ka pasur te lenduar. Policia e Fierit ne bashkepunim me koleget e Mallakastres dhe Gjirokastres, ndaloi ne Kraste te Tepelenes te dyshuarin Eduart Rexhepi, banues ne Patos. Prinderit e 32-vjecarit i deshmojne policise gjate marrjes ne pyetje, se djali i tyre kishte shfaqur paqendrueshmeri mendore vitet e fundit, por sipas policise nuk rezulton te jete me kartele. Kurse pasagjeret qe perjetuan castet e tmerrit dhe pengmarrjes, i thane grupit hetimor se i riu ishte i paarmatosur dhe gjate rruges iu thoshte qe te mos kishin frike, pasi do t'i conte ne Greqi, ndersa mjeti udhetonte per ne Sarande. Policia deklaroi se ende nuk ka nje motiv zyrtar per ngjarjen e djeshme, ndersa pritet zbardhja e plote e saj edhe pas rrefimit te te dyshuarit.
Ngjarja
Rreth ores 12:30 te dites se djeshme, salla operative e policise eshte njoftuar nga shoferi i autobusit Tirane-Sarande, se ne fshatin Fratar te Mallakastres, teksa drejtuesi dhe nje pjese e mire e pasagjereve po drekonin ne nje restorant, eshte marre peng mjeti me targa SR4911B, nga nje i ri i paidentifikuar. Kur patrullat e uniformave blu mberriten ne vendngjarje mesuan se mjeti po udhetonte ne drejtim te Tepelenes me shpejtesi dhe se bente nje zhurme te madhe per shkak te frenave te dores. Nga llogaritjet e bera prej shoferit, rezultonte se te pakten 6 pasagjere gjendeshin ne mjet, si peng te te dyshuarit te krimit. Menjehere eshte kerkuar ndihma e Policise se Gjirokastres per ngritjen e postblloqeve ne zonen e Tepelenes. Po keshtu pergjate aksin Ballsh-Tepelene jane ngritur disa postblloqe policore, te ndihmuar dhe nga zjarrfikesit. Pergjate rruges eshte vene re se autobusi po nxirrte tym, qe kishte perfshire pjesen e poshtme dhe rrezikonte pasagjeret.
Arrestimi
Ne vendin e quajtur fshati Kraste, rreth 15 metra ne vije kufitare Ballsh-Tepelene, pas nje ndjekje prej me shume se 20 minutash, eshte rrethuar dhe arrestuar i dyshuari Eduart Rexhepi, i cili ka zbritur nga autobusi ne momentin qe ka ndjere rrezikun e shperthimit se bashku me pasagjeret. Gjate kontrollit fizik nuk jane gjetur arme zjarri apo te ftohta, kurse pasagjeret, gra e burra u moren ne pyetje. Gjate deshmive te tyre ka rezultuar se 32- vjecari nuk iu kishte bere presion apo kercenuar. "Na tha qe te mos kishim frike dhe te rrinim te qete, se do na conte direkt e ne Athine te Greqise. Edhe kur e paralajmeruam se po dilte tym nga mjeti dhe se autobusi po digjej, ai vazhdonte te drejtonte me frena dore", kane deshmuar pasagjeret per ngjarjen. Policia tha se autobusi ka pesuar nje shperthim pak minuta pas daljes se pasagjereve dhe per fat te mire nuk ka pasur te lenduar, por vetem deme materiale. Sic shihet dhe ne foto, mjeti eshte shkaterruar plotesisht, me gjithe nderhyrjen e zjarrfikesve. Prinderit e Eduart Rexhepit jane marre ne pyetje menjehere rreth ores 14:00 nga policia dhe u shprehen te habitur per aktin e te birit. Ata kane rrefyer se kohet e fundit djali i tyre kishte sjellje te cuditshme dhe paqendrueshmeri mendore. Por ky fakt do te verifikohet nga grupi hetimor. Ndaj Rexhepit eshte ngritur akuza e "heqjes se paligjshme te lirise se tjetrit", "tentative grabitjeje" dhe "shkaterrim prone".