Autostrada Levan-Vlore, 110 punonjes kercenojne me bojkot

Vlore- Nuk kane te sosur telashet ne autostraden Levan-Vlore. Pas vonesave ne ndertimin e saj per shkak te pretendimeve te banoreve per shpronesime, vjen edhe pakenaqesia e 110 punonjesve qe jane hedhur ne proteste diten e djeshme, duke bllokuar makinerite e firmes "Alpin". Shkak eshte bere mospagesa e rrogave qe prej muajit qershor te vitit te kaluar per nje pjese dhe prej muajit shtator, per nje grup tjeter punetoresh. Vendi i protestes ka qene pikerisht selia e firmes, e cila dje nuk ka dhene asnje reagim per ngjarjen, por u ka shpjeguar punonjesve, se problemi i pageses do te zgjidhet se shpejti. Prej rreth 1viti e gjysme firma "Alpin" ka fituar tenderin e zbatimit te punimeve te vepres publike Levan-Vlore, autostrada e fundit e Jugut. Punetoret pretenduan se nuk jane zbatuar kontratat, ndersa me pare perfaqesuesi slloven i firmes, iu kishte premtuar shlyerjen e detyrimeve. Me gjithe premtimet e bera, prej 9 muajsh pjesa me e madhe e tyre nuk paguhen per punen e kryer. "Nese nuk paguhemi deri ne daten 7 prill, atehere ne do te hidhemi ne proteste masive se bashku me familjet dhe do bllokojme punimet dhe mjetet e firmes", paralajmeruan punetoret.

O.H.