Avari ne oficinen e portit dy te plagosur

Dy persona kane mbetur te plagosur pas nje avarie ne tubacionin e vajit te nje prej stivuesve te kontejnereve qe ndodhej ne riparim ne Portin e Durresit. Ngjarja ndodhi pasditen e vone te se shtunes ne oficinen e portit detar me te madh te vendit gjate proves perfundimtare pas riparimit te mjetit motorik qe perdoret per shkarkimin dhe stivimin e kontejnereve te mallrave. Nga kater punonjesit qe ndodheshin ne oficine ne momentin e proves dy prej tyre kane mbetur te plagosur si rezultat i carjes se njerit prej tubave te vajit. Burime nga vendi i ngjarjes bejne te ditur se vaji ka dale me presion duke demtuar rende 55-vjecarin Skender Derjai dhe 60-vjecarin Petraq Gogoli. Dy te lenduarit jane derguar me shpejtesi per ne spitalin rajonal te Durresit ku i jane nenshtruar trajtimit mjekesor. Sipas bluzave te bardha mesohet se 55-vjecari Derjai ka pesuar demtime te renda. Nderkohe mesohet se stivuesi ishte futur ne oficinen e portit per riparim pas nje defekti qe kishte pesuar pak dite me pare. Pasditen e se shtunes kur ndodhi carja qe shkaktoi plagosjen e dy mekanikeve mjeti do ti nenshtrohej proves perfundimtare para rifillimit te punes normale me kontejneret.